പൂച്ചാക്കല്: മൃഗസംരക്ഷണ മേഖലയുടെ വികസനത്തിന് പ്രാദേശികമായ പ്രയോഗിക പദ്ധതികള് നടപ്പാക്കണമെന്ന് മന്ത്രി കെ. രാജു പറഞ്ഞു. പാണാവള്ളി ഗ്രാമപഞ്ചായത്തിനെ ക്ഷീരസ്വയംപര്യാപ്ത ഗ്രാമമായി മാറ്റുന്നതിനായി നടപ്പാക്കുന്ന ‘ക്ഷീരസമൃദ്ധി ഗ്രാമസമൃദ്ധി’ പദ്ധതിയുടെ ഉദ്ഘാടനവും കിടാരി-ധനസഹായ വിതരണോദ്ഘാടനവും നിര്വഹിക്കുകയായിരുന്നു അദ്ദേഹം. എ.എം. ആരിഫ് എംഎല്എ അദ്ധ്യക്ഷനായി.
ദുരന്ത നിവാരണ ഫണ്ടില്നിന്നുള്ള ധനസഹായമായി 113 കര്ഷകര്ക്കായി 16 ലക്ഷം രൂപ വിതരണം ചെയ്തു. ജില്ലയിലെ മികച്ച ക്ഷീര കര്ഷകനായി തെരഞ്ഞെടുത്ത ആര്യാട് സുധീര് നിവാസില് സുനിലിന് 20,000 രൂപയുടെ കാഷ് അവാര്ഡും പ്രശംസാഫലകവും സമ്മാനിച്ചു.
10.31 ലക്ഷം രൂപ ചെലവഴിക്കുന്ന പദ്ധതിയുടെ ഭാഗമായി 57 കിടാരികളെയാണ് വിതരണം ചെയ്തത്. രണ്ടുവര്ഷം കൊണ്ട് പഞ്ചായത്തിലെ പാലുല്പാദനത്തില് രണ്ടു ലക്ഷം ലിറ്ററിന്റെ വര്ധനയാണ് പ്രതീക്ഷിക്കുന്നത്.
പ്രതികരിക്കാൻ ഇവിടെ എഴുതുക: