ചങ്ങനാശേരി: എന്.എസ്.എസ്.ചങ്ങനാശേരി താലൂക്ക് യൂണിയന്റെ നേതൃത്വത്തില് നടക്കുന്ന വിജയദശമിനായര് സമ്മേളനം 30 ന് പെരുന്ന ബോയ്സ് ഹൈസ്കൂള് മൈതാനിയില് നടക്കും. സമ്മേളനത്തിനുള്ള ഒരുക്കങ്ങള് അവസാനഘട്ടത്തിലാണെന്ന് യൂണിയന് പ്രസിഡന്റ് ഹരികുമാര് കോയിക്കല് പത്രസമ്മേളനത്തില് അറിയിച്ചു. സമ്മേളനത്തിന് മൂന്നോടിയായി യൂണിയനിലെ കങ്ങഴ,കറുകച്ചാല്,പുതുപ്പള്ളി,കുറിച്ചി,മാടപ്പള്ളി,മേഖലകളിലെ 75 കരയോഗങ്ങളിലും കുടുംബസംഗമങ്ങളും, മേഖലകള് കേന്ദ്രീകരിച്ച് നേതൃസമ്മേളനങ്ങളും നടന്നു. 30ന് രാവിലെ 9.30ന് യൂണിയന് പ്രസിഡന്റ് പതാക ഉയര്ത്തുന്നതോടെ ചടങ്ങുകള് ആരംഭിക്കും. ഉച്ചക്ക് രണ്ട് മണിക്ക് എന്എസ്എസ് പ്രസിഡന്റ് പി.എന്. നരേന്ദ്രനാഥന്നായര് അദ്ധ്യക്ഷനാകുന്ന സമ്മേളനം എന്എസ്എസ് ജനറല് സെക്രട്ടറി ജി. സുകുമാരന്നായര് ഉദ്ഘാടനം ചെയ്യും. യൂണിയന് പ്രസിഡന്റ് ഹരികുമാര് കോയിക്കല്, എന്എസ്എസ് ട്രഷറര് ഡോ.എം.ശശികുമാര്, വൈസ് പ്രസിഡന്റ് പ്രൊഫ:വി.പി.ഹരിദാസ്, രജിസ്ട്രാര് പി.എന്.സുരേഷ്, യൂണിയന് വൈസ് പ്രസിഡന്റ് വി. ജി.ഭാസ്കരന്നായര് എന്നിവര് പ്രസംഗിക്കും. പത്രസമ്മേളനത്തില് വൈസ് പ്രസിഡന്റ് വി. ജി.ഭാസ്കരന്നായര്, യൂണിയന് സെക്രട്ടറി എം.എസ്. രതീഷ്കുമാര്, എം.എസ്.എസ്.സെക്രട്ടറി എം.ശ്രീകുമാര് യൂണിയന് കമ്മിറ്റിയംഗങ്ങള് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: