കണ്ണൂര്: ഒക്ടോബര് 6 മുതല് 28 വരെ നടക്കുന്ന ഫിഫ അണ്ടര് 17 ലോകകപ്പ് ഫുട്ബോള് മല്സരങ്ങളുടെ പ്രചണാര്ഥം ഇന്ന് വൈകിട്ട് 3 മണി മുതല് 7 മണി വരെ നടക്കുന്ന വണ് മില്യന് ഗോള് കാംപയിന്റെ ഭാഗമായി ജില്ലയില് അഞ്ച് ലക്ഷം ഗോളുകളടിക്കും. കാംപയിന്റെ ജില്ലാതല ഉദ്ഘാടനം പോലീസ് പരേഡ് ഗ്രൗണ്ടില് പി.കെ.ശ്രീമതി എംപി നിര്വഹിക്കും. കെ.കെ.രാഗേഷ് എംപി, മേയര് ഇ.പി.ലത, ജില്ലാ പഞ്ചായത്ത് പ്രസിഡന്റ് കെ.വി.സുമേഷ്, ജില്ല കലക്ടര് മിര് മുഹമ്മദ് അലി, ജില്ലാ പോലീസ് മേധാവി ജി.ശിവവിക്രം, സ്പോര്ട്സ് കൗണ്സില് പ്രസിഡന്റ് ഒ.കെ.വിനീഷ്, അന്തര്ദേശീയ ഫുട്ബോള് താരങ്ങളായ സി.കെ.വിനീത്, പി.കെ ബാലചന്ദ്രന്, കെ.വി.ധനേഷ്, എം.പി.പ്രദീപ് തുടങ്ങിയവരും പങ്കെടുക്കും. പോലിസ് മൈതാനിയില് ഒരുക്കുന്ന നാല് ഗോള് പോസ്റ്റുകള് വഴി 5000 ഗോള് അടിക്കുകയാണ് ലക്ഷ്യം. ജില്ലയില് ആകെ അഞ്ച് ലക്ഷം ഗോളുകളടിക്കുന്നതിന് 200 ലേറെ സെന്ററുകള് സജ്ജമായിക്കഴിഞ്ഞു.
കാംപയിന്റെ പ്രചരണാര്ഥം ജില്ലാ സ്പോര്ട്സ് കൗണ്സില് സംഘടിപ്പിച്ച വിളംബര ജാഥ കെ.കെ.രാഗേഷ് എംപി ഫഌഗ് ഓഫ് ചെയ്തു. നഷ്ടമായ ഫുട്ബോള് പ്രതാപം വീണ്ടെടുക്കുവാനുള്ള സുവര്ണാവസരമാണ് ഫിഫ ലോകകപ്പിലൂടെ സംസ്ഥാനത്തിനും രാജ്യത്തിനും കൈവന്നിരിക്കുന്നതെന്ന് അദ്ദേഹം പറഞ്ഞു. ഇന്ന് നടക്കുന്ന വണ് മില്യന് ഗോള് കാംപയിന് വന്വിജയമാക്കാന് അദ്ദേഹം അഭ്യര്തിച്ചു. ജില്ലാ പഞ്ചായത്ത് പ്രസിഡന്റ് കെ.വി.സുമേഷ്, ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്മാന് കെ.പി.ജയബാലന് മാസ്റ്റര്, ജില്ലാ സ്പോര്ട്സ് കൗണ്സില് പ്രസിഡന്റ് ഒ.കെ.വിനീഷ്, ജില്ലാ പഞ്ചായത്തംഗം അജിത്ത് മാട്ടൂല്, സംസ്ഥാന സ്പോര്ട്സ് കൗണ്സില് അംഗം പവിത്രന് മാസ്റ്റര്, ഫുട്ബോള് താരം ധനേഷ്, എം.കെ നാസര്, തുടങ്ങിയവരും വിളംബര ജഥ്യ്ക്ക് നേതൃത്വം നല്കി. കളക്ട്രേറ്റ് പരിസരത്ത് നിന്ന് ആരംഭിച്ച വിളംബരജാഥ റെയില്വേ സ്റ്റേഷന് പരിസരത്ത് സമാപിച്ചു.
കാംപയിന്റെ ഭാഗമായി ജില്ലാ സ്പോര്ട്സ് കൗണ്സിലിനു വേണ്ടി അന്ഷാദ് കരുവഞ്ചാല് തയ്യാറാക്കിയ ടീസര് വീഡിയോ ജില്ലാ പഞ്ചായത്ത് പ്രസിഡന്റ് കെ.വി.സുമേഷ് എഡിഎം ഇ മുഹമ്മദ് യൂസുഫിന് സിഡി നല്കി പ്രകാശനം ചെയ്തു.
പ്രതികരിക്കാൻ ഇവിടെ എഴുതുക: