കഴക്കൂട്ടം: എസ്ഐയേയും പോലീസുകാരേയും മര്ദ്ദിച്ച് പരിക്കേല്പ്പിച്ച സംഘത്തിലെ പ്രതികളില് ഒരാള്കൂടി പിടിയിലായി. കഠിനംകുളം, പുതുക്കുറുച്ചി തെരുവില് തൈവിളാകത്ത് വീട്ടില് റിച്ചന്സ് (49) നെയാണ് കടയക്കാവൂര് സിഐ മുകേഷ് കഠിനംകുളം എസ്ഐ ബിനീഷ് ലാല് അടങ്ങുന്ന സംഘം അറസ്റ്റ് ചെയ്തത്. രണ്ട് മാസം മുന്പ് കഠിനംകുളത്തെ പഞ്ചനക്ഷത്ര ഹോട്ടല് ബാറില് മദ്യപിച്ച് ബഹളമുണ്ടാക്കിയ സംഘത്തെ പിടികൂടാനെത്തിയ കഠിനം പോലീസിന് നേരേ സംഘം ആക്രമണം നടത്തി. എസ്ഐ ബിനീഷ് ലാലിന് കടിച്ച് പരിക്കേല്പ്പിക്കുകയും മറ്റ് രണ്ട് പോലീസുകാരെ മര്ദ്ദിച്ച് അവശരാക്കിയ ശേഷം രക്ഷപ്പെടുകയായിരുന്നു. ഒളിവില് പോയ പ്രതികളില് ചിലര് പുതുകുറുച്ചി ഇടവക തിരുന്നാള് ആഘോഷത്തിന് എത്തിയത് അറിഞ്ഞ് പോലീസ് നടത്തിയ തിരച്ചിലിലാണ് കേസിലെ മൂന്നാം പ്രതി കൂടിയായ റിച്ചന്സ് പിടിയിലായത്. ഇതിന് മുന്പ് രണ്ട് പ്രതികളെ പോലീസ് പിടികൂടിയിരുന്നു. ഇനിയും നിരവധി പ്രതികള് പിടിയിലാകാനുണ്ട്.
പ്രതികരിക്കാൻ ഇവിടെ എഴുതുക: