ആലപ്പുഴ: ഒക്ടോബര് ഒന്നു മുതല് ഒരുമാസക്കാലം നീണ്ടു നില്ക്കുന്ന മീസില്സ്-റൂബല്ല പ്രതിരോധ തീവ്രയജ്ഞ പരിപാടിയിലൂടെ വാക്സിനെടുക്കുന്ന കുട്ടികളുടെ ഇടതു തള്ള വിരലില് അടയാളമിടുമെന്ന് ജില്ലാ കളക്ടര് ടി.വി.അനുപമ പറഞ്ഞു. ഒമ്പതു മാസത്തിനും 15 വയസ്സിനുമിടയിലുള്ള കുട്ടികള്ക്ക് ലഭ്യമാക്കുന്ന പ്രതിരോധ കുത്തിവെയ്പ്പില് നിന്നും വിട്ടു നല്ക്കുന്ന കുട്ടികളെ കണ്ടെത്തുന്നതിനാണ് പ്രത്യേക തരത്തിലുള്ള മഷി പുരട്ടുന്നത്. മീസില്സ്-റൂബല്ല പ്രതിരോധ കുത്തി വെയ്പ് നല്കേണ്ടതായി 400,291 കുട്ടികളാണ് ജില്ലയിലുള്ളത്. സര്ക്കാര് സ്കൂളുകളില് പഠിക്കുന്ന 1,79,304 കുട്ടികള്ക്കും അണ്എയ്ഡഡ് സ്കൂളുകളില് പഠിക്കുന്ന 1.39,975 കുട്ടികള്ക്കും സ്ക്കൂളുകളിലെത്തി കുത്തിവെയ്പ്പ് നല്കും. വിദ്യാര്ത്ഥികളല്ലാത്ത 8,10,112 കുട്ടികള്ക്ക് സര്ക്കാര് ആശുപത്രികളില് കുത്തി വെയ്പ് നല്കും. ജില്ലയിലെ 59 പ്രാഥമികാരോഗ്യ കേന്ദ്രങ്ങളിലും 16 സാമൂഹികാരോഗ്യ കേന്ദ്രങ്ങളിലും 15 സര്ക്കാര് ആശുപത്രികളിലും കുത്തിവെയ്പ് സൗകര്യം ഉണ്ടായിരിക്കും. മീസില്സ്-റൂബല്ല പ്രതിരോധ തീവ്രയജ്ഞ പരിപാടിയുടെ ജില്ലാ തല ഉദ്ഘാടനം മൂന്നിന് രാവിലെ 10ന് മണ്ണഞ്ചേരി ഗവ.ഹൈസ്കൂളില് മന്ത്രി പി.തിലോത്തമന് നിര്വ്വഹിക്കും.
പ്രതികരിക്കാൻ ഇവിടെ എഴുതുക: