തിരുവനന്തപുരം: സംസ്ഥാന ശിശുക്ഷേമ സമിതി കേരളപ്പിറവി ദിനം മുതല് സംസ്ഥാന – ജില്ലാ ശിശുക്ഷേമ സമിതികളുടെയും സന്നദ്ധ പ്രവര്ത്തകരുടെയും സഹായത്തോടെ സംസ്ഥാനാടിസ്ഥാനത്തില് ആരംഭിക്കുന്ന ചൈല്ഡ് ഹെല്പ്പ് ലൈനിന്റെ മുന്നോടിയായി സന്നദ്ധ പ്രവര്ത്തകരുടെ ശില്പശാല സംഘടിപ്പിച്ചു. പോലീസ് മേധാവി ലോക്നാഥ് ബെഹ്റ ഉദ്ഘാടനം ചെയ്തു.
യൂണിസെഫുമായി ചേര്ന്ന് കേരളത്തിലെ എല്ലാ പോലീസ് സ്റ്റേഷനുകളുമായി ബന്ധപ്പെടുത്തി കുട്ടികള് നേരിടുന്ന വെല്ലുവിളികള് പരിഹരിക്കുന്നതിന് ബൃഹത്തായ പദ്ധതി സര്ക്കാരിന്റെ സഹായത്തോടെ നടപ്പിലാക്കാനുള്ള നടപടി തുടരുകയാണ് . ഇതിനായി ഇന്സ്പെക്ടര്മാര് മുതല് കീഴോട്ടുള്ള എല്ലാ ഉദ്യോഗസ്ഥര്ക്കും പ്രത്യേകപരിശീലനം നല്കുമെന്നും ബെഹ്റ പറഞ്ഞു.
ക്രൈം ബ്രാഞ്ച് ഐജി എസ്. ശ്രീജിത്ത്, തിരുവനന്തപുരം ഗവ. ലോ കോളേജ് പ്രൊഫസര് എ. സുഹൃത്ത് കുമാര്, തിരുവനന്തപുരം എസ്എറ്റി ആശുപത്രി ശിശുരോഗ വിഭാഗം അഡീഷണല് പ്രൊഫസറും ബിഹേവിയറല് യൂണിറ്റ് മേധാവിയുമായ ഡോ ആര്. ജയപ്രകാശ് എന്നിവര് ക്ലാസ്സെടുത്തു.
സമിതി വൈസ് പ്രസിഡന്റ് അഴിക്കോടന് ചന്ദ്രന് അദ്ധ്യക്ഷത വഹിച്ചു. ജനറല് സെക്രട്ടറി അഡ്വ എസ്.പി. ദീപക്, ട്രഷറര് ജി. രാധാകൃഷ്ണന്, ജോയിന്റ് സെക്രട്ടറി പി.എസ്. ഭാരതി എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: