കൊച്ചി: മഞ്ജു വാര്യര് കേന്ദ്ര കഥാപാത്രമായി എത്തിയ ‘ഉദാഹരണം സുജാത’യ്ക്ക് തിയെറ്റുകളില് മികച്ച പ്രതികരണം. മഞ്ജുവാര്യരുടെ വേഷ പകര്ച്ചയും സംഭാഷണ ശൈലിയും കൊണ്ട് ചിത്രം വ്യത്യസ്തമാകുന്നു.
വന് താര നിരയില്ലാതെയെത്തിയ സുജാത മഞ്ജുവിന്റെ അഭിനയംകൊണ്ട് ശ്രദ്ധ നേടിക്കഴിഞ്ഞു. തിരുവനന്തപുരം ചെങ്കല്ചൂള കോളനിയിലാണ് ചിത്രീകരിച്ചിരിക്കുന്നത്.
സാധാരണക്കാരിയായ വീട്ടമ്മയുടെ കഥയാണ് ഉദാഹരണം സുജാത. വീട്ടുജോലി ചെയ്ത് അമ്മയും മകളും അടങ്ങുന്ന കുടുംബത്തെ കരയറ്റാന് ശ്രമിക്കുന്ന വീട്ടമ്മയാണ് സുജാത. മകളെ കളക്ടറാക്കാന് വീട്ടുജോലിയും മറ്റു ചെറുകിട ജോലികള് ചെയ്ത് പണം സ്വരൂപിക്കുന്നു.
ഒന്പതാം ക്ലാസ് വരയേ പഠിച്ചിട്ടുള്ളൂ സുജാത. സ്വപ്നങ്ങള്ക്ക് ചിറകുവെച്ച് വിജയത്തിലേക്ക് പറന്നുയരാന്, മകളെ പഠനത്തില് സഹായിക്കാനായി മകള്ക്കൊപ്പം അവളുടെ സ്കൂളില് തുടര് പഠനം ആരംഭിക്കുന്നു. ഇതാണ് ആദ്യഭാഗം.
തിരുവനന്തപുരം നഗരത്തിന്റെ പുലര്വേളയിലൂടെയാണ് സിനിമ ആദ്യഭാഗം ഇഴഞ്ഞുനീങ്ങി കാണികളെ അലോസരപ്പെടുന്നുണ്ട്. ചിത്രത്തിന്റെ രണ്ടാം പകുതിയിലാണ് പ്രേക്ഷകരെ പിടിച്ചിരുത്തുന്നത്. ആദ്യം ഹിന്ദി സിനിമയില് വന്ന ചിത്രത്തിന് ഹിന്ദിയിലെ തിരക്കഥാ കൃത്തുക്കള്ക്ക് തന്നെയാണ് ക്രെഡിറ്റ് നല്കിയിരിക്കുന്നത്. പ്രേക്ഷകരെ പ്രകമ്പനം കൊളിക്കുന്ന ഡൈലോഗുകളെന്നും ചിത്രത്തിലില്ല. സാധാരണക്കാര് ഉപയോഗിക്കുന്ന ഭാഷയാണ് ഉപയോഗിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: