കരുനാഗപ്പള്ളി: ദേശീയതയുടെ ശക്തിപ്രകടനമായി ആര്എസ്എസ് പതസഞ്ചലനങ്ങള്. രാഷ്ടവിരുദ്ധശക്തികള്ക്കെതിരെ കരുതല് വേണമെന്ന ആഹ്വാനവുമായി പൊതുപരിപാടികള്. സ്നേഹത്തിലും ഒരുമയിലും അരക്കിട്ടുറപ്പിക്കുന്ന രാഷ്ട്രശക്തിയുടെ നിര്മ്മാണമാണ് ആര്എസ്എസിന്റെ ലക്ഷ്യമെന്ന ഓര്മ്മപ്പെടുത്തലുകള്. ജില്ലയുടെ വിവിധകേന്ദഗങ്ങളിലായി മഹാനവമി, വിജയദശമിദിനങ്ങളില് നടന്ന പതസഞ്ചലനത്തില് നൂരുകണക്കിന് ഗണവേ,ധാരികള് അണിനിന്നു. കോരിച്ചൊരിയുന്ന മഴയ്ക്കും തകര്ക്കാനാവാത്ത അച്ചടക്കമാണ് പരിപാടികളില് ദൃശ്യമായത്,
ഭാരതം വീണ്ടും വിശ്വാരാധ്യമായ കാലത്താണ് നാം ജീവിക്കുന്നതെന്ന് കരുനാഗപ്പള്ളിയില് പരിപാടിയില് സംസാരിച്ച ആര്എസ്എസ് പ്രാന്ത വ്യവസ്ഥാപ്രമുഖ് കെ. വേണു# പറഞ്ഞു. ഒട്ടനവധി സംസ്ക്കാരങ്ങളുടെ ഉദയവും അസ്തമനവും നടന്നിട്ടും ഒരു പോറല് പോലുമേല്ക്കാതെ ഇന്നും ഭാരതം വിശ്വസംസ്കൃതിയുടെ ഈറ്റില്ലമായി തുടരുന്നു.ഭാരതത്തിന്റെ സംസ്ക്കാരം സനാതനമാണ് . ഹിന്ദുധര്മ്മം കാലാതീതവും, ദേശാതീതവുമാണ്.
ഭാരതീയ ദര്ശനം പഠിപ്പിച്ചത് എന്റേത് ശരിയെങ്കില് നിങ്ങളുടേതും ശരി എന്നാണ്. ഇന്ന് സ്വാതന്ത്ര്യത്തിന്റെ പേരില് രാഷ്ട്രവിരുദ്ധത ആണ് നടക്കുന്നത്. മതമേതായാലും മനുഷ്യന് നന്നായാല് മതി എന്ന് മുസ്ലിം, ക്രിസ്ത്യന് പുരോഹിതന്മാര് പറയുകയും പഠിപ്പിക്കുകയും വേണം. മറ്റുള്ള മതങ്ങളേയും സംസ്ക്കാരങ്ങളേയും സ്നേഹിക്കാന് തയ്യാറാകണം.
തന്റെ സിദ്ധാന്തങ്ങള് കാലഹരണപ്പെടും എന്നാണ് കാറല് മാക്സ് പറഞ്ഞത്. ഇന്നലെ വരെ തള്ളിപ്പറഞ്ഞതിനെ മാക്സിസ്റ്റുകാര് അംഗീകരിക്കാന് തയ്യാറാകുന്നത് ഭാരതീയതയുടെ വിജയമാണ്.
മ്യാന്മര് ദേശീയതക്കും പോലീസിനും, സൈന്യത്തിനും എതിരെ അക്രമഴിച്ചുവിട്ടവര്ക്കെതിരെ സൈനിക നടപടി സ്വീകരിച്ചപ്പോള് അഭയാര്ത്ഥികളായി. അവര് കാശ്മീരിലും തീവ്രവാദ പ്രവര്ത്തനം നടത്തി. രാഷ്ട്ര വിരുദ്ധ പ്രവര്ത്തനം നടത്തുന്നവരെ സംരക്ഷിക്കണമെന്ന് പറയുന്നതാണോ രാഷ്ട്ര സ്നേഹം അദ്ദേഹം ചോദിച്ചു.
ഇസ്ലാമിക തീവൃ വാദികള്ക്ക് ഒത്താശ ചെയ്യുന്നതായി കണ്ടെത്തിയ പോപ്പുലര് ഫ്രണ്ടിന്റെ വേദിയില് മുന് ഉപരാഷ്ട്രപതി പങ്കെടുത്തത് അനുചിതമാണ് കഴിഞ്ഞ 10 വര്ഷത്തെ അദ്ദേഹത്തിന്റെ പരിപാടികള് അന്വേഷിക്കണമെന്നും വേണു പറഞ്ഞു. യോഗത്തില് കേരളതണ്ടാര് ഐക്യമഹാസഭ സംസ്ഥാന പ്രസിഡന്റ് ഡി.രാജന് അദ്ധ്യക്ഷത വഹിച്ചു. ചവറ, ശാസ്താംകോട്ട, പുത്തൂര്, പുനലൂര്, അഞ്ചല്, കുണ്ടറ, പനയം, ചാത്തന്നൂര്, ഇരവിപുരം, ഓയൂര് തുടങ്ങിയ ഖണ്ഡുകളിലും പഥസഞ്ചലനങ്ങള് നടന്നു. കൊല്ലം, ശക്തികുളങ്ങര ഖണ്ഡുകളില് ഇന്നാണ് പരിപാടി.
പ്രതികരിക്കാൻ ഇവിടെ എഴുതുക: