കൊല്ലം: ഭൂമിക്കൊരു സാന്ത്വനം എന്ന ലക്ഷ്യത്തോടെ സംബോധ് ഫൗണ്ടേഷന് സ്വാമി അദ്ധ്യാത്മാനന്ദ സരസ്വതി നയിക്കുന്ന ഹരിതാര്ദ്ര സാന്ത്വന കേരള യാത്ര നാളെ മുതല് അഞ്ചുവരെ ജില്ലയിലെ വിവിധ ഇടങ്ങളില് പര്യടനം നടത്തും.
ഗാന്ധിജയന്തി ദിനത്തില് വൈകിട്ട് അഞ്ചിന് ആനന്ദവല്ലീശ്വര ക്ഷേത്ര മൈതാനിയില് തിരുവഞ്ചൂര് രാധാകൃഷ്ണന് എംഎല്എ ഉദ്ഘാടനം ചെയ്യും. സ്വാമി അദ്ധ്യാത്മാനന്ദ സരസ്വതി അനുഗ്രഹഭാഷണം നടത്തും. യാത്രാംഗങ്ങളെ മേയര് വി.രാജേന്ദ്രബാബു ആദരിക്കും. പ്രകൃതി സംരക്ഷണ പ്രവര്ത്തനങ്ങളില് വ്യാപൃതരായിട്ടുള്ള ചേരിയില് സുകുമാരന്നായര്, പ്രൊഫ. എന്.രവി, രാമചന്ദ്രന് നായര്, അശോക് കുമാര്, കോശി ജോണ് എന്നീ പ്രമുഖ വ്യക്തികളെ ചടങ്ങില് ആദരിക്കും. ബി.ഷൈലജ, എം.വി.സോമയാജി, ആര്.എസ്.പ്രശാന്ത്, തേവള്ളി ശ്രീകണ്ഠന്, എന്നിവര് പങ്കെടുക്കും. ശ്രേയാവീഥി യുവജനങ്ങളും പൂന്തേനരുവി കുട്ടികളും ചേര്ന്ന് മരം പെയ്യുന്നു എന്ന ഹ്രസ്വനാടകം വേദിയില് അവതരിപ്പിക്കും. ഹരിതാര്ദ്ര സാന്ത്വന ഗീതം കുട്ടികള് ആലപിക്കും.
രാവിലെ 7.15ന് ജില്ലാതിര്ത്തിയായ ഓച്ചിറ ചങ്ങന്കുളങ്ങരയിലെ ആര്സിപിഎം ആശുപത്രിക്ക് സമീപം യാത്രയെ സ്വീകരിക്കും. അവിടെ വൃക്ഷത്തൈനടലും പ്രഭാഷണവും ഉണ്ടാകും. തുടര്ന്ന് 9.45ന് വള്ളിക്കീഴ് ക്ഷേത്രാങ്കണത്തില് നക്ഷത്രവനമൊരുക്കലും സ്വീകരണവും നടക്കും. അന്നേദിവസം രാവിലെ 11ന് ചോഴത്തില് ദേവീക്ഷേത്രത്തിലെ നക്ഷത്രവന സന്ദര്ശനവും ഭഗവത്ഗീത പഠനക്ലാസിന്റെ സമാരംഭവും നടക്കും.
മൂന്നിന് പുതിയകാവ് ക്ഷേത്രത്തില് സ്വീകരണവും തുടര്ന്ന് കൊല്ലം എസ്എന് ട്രസ്റ്റ് സ്കൂളിലെ വിദ്യാര്ത്ഥികളോടൊപ്പം നക്ഷത്രവനമൊരുക്കലും പരിസ്ഥിതി സംരക്ഷണ ബോധവല്ക്കരണത്തിനായുള്ള വീഡിയോ പ്രദര്ശനവും നടക്കും. പെരുമണ് വടക്കിടം ശ്രീകൃഷ്ണസ്വാമി ക്ഷേത്രാങ്കണത്തില് വൈകിട്ട് 4.15ന് സ്വീകരണവും സംബോധാരണ്യ സ്ഥല സന്ദര്ശനവും ഉണ്ടാകും.
നാലിന് രാവിലെ 9.45ന് അയത്തില് എസ്എന് പബ്ലിക് സ്കൂളിലെ വിദ്യാര്ത്ഥികള് നല്കുന്ന സ്വീകരണത്തില് സ്വാമിജി കുട്ടികളെ അഭിസംബോധന ചെയ്യും. ഉച്ചയ്ക്ക് രണ്ടിന് തിരുമുല്ലവാരം ഭരതന്പിള്ള മെമ്മോറിയല് എംബിഎ കോളേജില് സ്വീകരണവും വൃക്ഷത്തൈ നടലും പ്രഭാഷണവും ഉണ്ടാകും. വൈകിട്ട് 5.30ന് സദ്ഭാവന സേവാസമിതി തേവള്ളി റോട്ടറി ഹാളില് യാത്രയ്ക്ക് സ്വീകരണം നല്കും.
അഞ്ചിന് രാവിലെ എട്ടിന് മാടന്നട ഭരണിക്കാവ് ദേവീക്ഷേത്രാങ്കണത്തിലും 11.30ന് ചാത്തന്നൂര് മീനാട് ദേവീക്ഷേത്രത്തിലും സ്വീകരണവും നക്ഷത്രവനമൊരുക്കലും നടക്കും. തുടര്ന്ന് ചടയമംഗലം ശ്രീമഹാദേവ ക്ഷേത്രാങ്കണത്തില് സ്വീകരണം നല്കും. ജടായുപാറ സംരക്ഷണ ട്രസ്റ്റ് ഭാരവാഹികളോടൊപ്പം ക്ഷേത്രാങ്കണത്തില് രുദ്രാക്ഷ വൃക്ഷത്തൈ നടും.
പ്രതികരിക്കാൻ ഇവിടെ എഴുതുക: