ആലപ്പുഴ: ജനറല് ആശുപത്രിയിലെ വിവാദ ഡയാലിസിസ് യൂണിറ്റിന്റെ പ്രവര്ത്തനം ആരംഭിച്ചിട്ടില്ല. ഉദ്ഘാടന ദിനത്തില് എല്ഡിഎഫ് ബഹിഷ്കരിച്ചിരുന്നു.
ജനറേറ്റര് സംവിധാനം പോലും ഇല്ലാതെയാണ് നഗരസഭ ഉദ്ഘാടനം ചെയ്തത്. പത്തു യൂണിറ്റുകളാണു സ്ഥാപിച്ചിട്ടുള്ളത്.
നഗരസഭയ്ക്കു ചുമതല കൈമാറിയ ജനറല് ആശുപത്രിയില് ഡയാലിസിസ് യൂണിറ്റ് ആരംഭിക്കുന്നതു സംബന്ധിച്ചു ഭരണ–പ്രതിക്ഷ പാര്ട്ടികള് തമ്മിലുള്ള അഭിപ്രായ ഭിന്നത തുടരുന്നെങ്കിലും, പാവപ്പെട്ട രോഗികള്ക്ക് ആശ്വാസമാകേണ്ട ഡയാലിസിസ് യൂണിറ്റ് പ്രവര്ത്തന സജ്ജമാക്കാത്തത് ഇടതുവലതു മുന്നണികളുടെ വീഴ്ചയാണെന്ന് വിമര്ശനം ഉയരുന്നു. അടിയന്തരമായി ഡയാലിലിസ് യൂണിറ്റ് തുറന്നു പ്രവര്ത്തിപ്പിക്കാനുള്ള നടപടി സ്വീകരിക്കണമെന്നാണു ആവശ്യം ഉയരുന്നത്.
യൂണിറ്റ് പൂര്ണമായും അണുവിമുക്തമാക്കുന്ന നടപടികള് ഘട്ടംഘട്ടമായി നടത്തിവരികയാണ്.
അതു പൂര്ത്തിയാക്കിയാല് ഉടന് ഡയാലിസിസ് യൂണിറ്റിന്റെ പ്രവര്ത്തനം ആരംഭിക്കാന് കഴിയുമെന്നുമാണ് ഇപ്പോള് നഗരസഭാദ്ധ്യക്ഷന് തോമസ് ജോസഫ് പറയുന്നത്.
പ്രതികരിക്കാൻ ഇവിടെ എഴുതുക: