ശ്രീകാര്യം: വികാസ് നഗര് ഭാഗത്തും വെഞ്ചാവോട് ഐഎംപി ആശുപത്രി പരിസരത്തും വന് തോതില് മാലിന്യം തള്ളുന്നതായി നാട്ടുകാര്. ഏറെ തിരക്കുള്ള റോഡിലെ വളവിലും ഒഴിഞ്ഞുകിടക്കുന്ന പറമ്പുകളിലുമാണ് ഇറച്ചി മാലിന്യം ഉള്പ്പെടെയുള്ളവ നിക്ഷേപിക്കുന്നത്. രാത്രി പന്ത്രണ്ട് മണിക്ക് ശേഷം വാഹനങ്ങളില് കൊണ്ടുവന്നാണ് മാലിന്യം ജനവാസമേഖലയില് തള്ളുന്നത്. വാര്ഡ് കൗണ്സിലര് സി.സുദര്ശനന്റെ നേതൃത്വത്തില് കോറസ് ഭാരവാഹികള് നഗരസഭാ ശ്രീകാര്യം സോണല് ഓഫീസിലെ ഹെല്ത്ത് ഇന്സ്പെക്ടര്ക്കും ശ്രീകാര്യം പോലീസീനും നിരവധി പരാതികള് നല്കിയിട്ടും കുറ്റക്കാര്ക്കെതിരെ നടപടി എടുക്കാന് അധികൃതര് ഇതുവരെയും തയ്യാറായിട്ടില്ലെന്ന് കോറസ് പ്രസിഡന്റ് വി.കേശവന് കുട്ടി, ഫ്രാറ്റ് മേഖല പ്രസിഡന്റ് കരിയം വിജയകുമാര്, സെക്രട്ടറി പി.എസ്.സന്തോഷ്കുമാര്, വികാസ് നഗര് അസോസിയേഷന് സെക്രട്ടറി എസ്.ഫിറോഷ് തുടങ്ങിയവര് അറിയിച്ചു.
പ്രതികരിക്കാൻ ഇവിടെ എഴുതുക: