തിരുവനന്തപുരം: ജിഎസ്ടി ദാതാക്കളുടെ പരാതി പരിഹാര കേന്ദ്രങ്ങളായി അക്ഷയ സെന്ററുകളെ പ്രവര്ത്തിപ്പിക്കാന് മന്ത്രിസഭായോഗം തീരുമാനിച്ചു. ജിഎസ്ടിയെ സംബന്ധിച്ച് വ്യാപാരികളുടെ പരാതികള് പരിഹരിക്കാന് സംസ്ഥാനതലത്തില് വിവിധ നടപടികള് സ്വീകരിക്കുന്നതിന്റെ ഭാഗമായാണ് ഇത്.
ജിഎസ്ടി വകുപ്പിന്റെ 180 സര്ക്കിളുകളിലും നികുതിദായകര്ക്ക് പരാതി രജിസ്റ്റര് ചെയ്യാനുള്ള സംവിധാനം ഒരുക്കും. ജില്ലാ ഫെസിലിറ്റേഷന് സെന്ററുകള് വഴി വ്യാപാരികളുടെ സംശയങ്ങള്ക്ക് മറുപടി നല്കുന്ന സംവിധാനം ശക്തിപ്പെടുത്തും. റിട്ടേണ് ഫയല് ചെയ്യുന്നതിന് നികുതിദായകരെ സഹായിക്കാന് ജിഎസ്ടി വകുപ്പ് തന്നെ സൗജന്യമായി അക്കൗണ്ടിങ് സോഫ്റ്റ്വെയര് ഉണ്ടാക്കികൊടുക്കും.
ജിഎസ്ടിയുടെ മറവില് കച്ചവടക്കാര് അമിത ലാഭമെടുക്കുന്നത് തടയാന് കര്ശനമായ സംവിധാനം ഏര്പ്പെടുത്തുന്ന കാര്യം ജിഎസ്ടി കൗണ്സിലില് ഉന്നയിക്കാനും മന്ത്രിസഭായോഗം തീരുമാനിച്ചു.
പ്രതികരിക്കാൻ ഇവിടെ എഴുതുക: