ആലപ്പുഴ: നീതി ആയോഗിന്റെ അപ്രായോഗിക പരിഷ്കരണങ്ങള് ഭാരതത്തിന്റെ കാര്ഷിക വ്യവസായിക സാമ്പത്തിക രംഗത്ത് വന് തിരിച്ചടി ഉണ്ടാക്കുമെന്ന് ബിഎംഎസ് സംസ്ഥാന സമിതിയംഗം എസ്. വാരിജാക്ഷന്. പൊതുമേഖലയില് വന് ലാഭത്തില് പ്രവര്ത്തിക്കുന്ന സ്ഥാപനങ്ങളുടെ ഓഹരിപോലും വിറ്റുതുലയ്ക്കുന്ന സമീപനത്തെ ബിഎംഎസ് ശക്തമായി എതിര്ക്കുമെന്നും അദ്ദേഹം പറഞ്ഞു.
ദേശീയ പ്രക്ഷോഭത്തിന്റെ ഭാഗമായി ജില്ലാ കമ്മറ്റിയുടെ നേതൃത്വത്തില് നടന്ന സായാഹ്നധര്ണ ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡന്റ് ബി. രാജശേഖരന് അദ്ധ്യക്ഷനായി. സംസ്ഥന വൈസ് പ്രസിഡന്റ് അഡ്വ. എസ്. ആശാമോള് മുഖ്യപ്രഭാഷണം നടത്തി.
ജില്ലാ ട്രഷറര് ബിനീഷ് ബോയ്, വൈസ് പ്രസിഡന്റുമാരായ പി.ബി. പുരുഷോത്തമന്, കെ.കൃഷ്ണന്കുട്ടി, ജോ. സെക്രട്ടറി കെ. സദാശിവന്പിള്ള, മേഖലാ സെക്രട്ടറി ജി. ഗോപകുമാര് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: