തിരുവനന്തപുരം: തിരുവിതാംകൂര് ദേവസ്വം ബോര്ഡിന്റെ ചരിത്രത്തില് ആദ്യമായി 6 ദളിതര് അടക്കം 36 അബ്രാഹ്മണ ശാന്തിമാരെ നിയമിക്കാന് കേരള ദേവസ്വം റിക്രൂട്ട്മെന്റ് ബോര്ഡ് ശുപാര്ശ ചെയ്തു.
പി എസ് സി മാതൃകയില് എഴുത്തുപരീക്ഷയും, അഭിമുഖവും നടത്തിയാണ് പാര്ട്ട് ടൈം ശാന്തി തസ്തികയിലേക്കുള്ള നിയമനപട്ടിക ദേവസ്വം റിക്രൂട്ട്മെന്റ് ബോര്ഡ് തയ്യാറാക്കിയത്. ആകെ 62 ശാന്തിമാരെ നിയമിക്കുന്നതിനാണ് ശുപാര്ശ ചെയ്തിരിക്കുന്നത്. മുന്നാക്ക വിഭാഗത്തില് നിന്ന് 26 പേര് മെറിറ്റ് പട്ടിക പ്രകാരം ശാന്തി നിയമനത്തിന് യോഗ്യത നേടി. പിന്നാക്കവിഭാഗങ്ങളില് നിന്ന് 36 പേരും നിയമനപട്ടികയില് ഇടം നേടി. ഇതില് 16 പേര് മെറിറ്റ് പട്ടികയില് ഉള്പ്പെട്ടവരാണ്.
ഈഴവര് 21, ഒബിസി 4, പുലയ-4, നാടാര്-1, വിശ്വകര്മ്മ-1, തണ്ടാര്-1, വേട്ടുവ-1,ധീവര-21, പട്ടിക ജാതി -1, എന്നിങ്ങനെയാണ് അബ്രാഹ്മണ വിഭാഗത്തില് നിന്ന് ശാന്തിമാരെ നിയമിച്ചത് .നായര് വിഭാഗത്തില് നിന്നാരും ഇല്ല.. രണ്ടാം ആന പാപ്പാന് തസ്തികയിലേക്ക് 13 പേരെ നിയമിക്കാനും ദേവസ്വം റിക്രൂട്ട്മെന്റ് ബോര്ഡ് ശുപാര്ശ നല്കിയിട്ടുണ്ട്. മുന്നാക്ക വിഭാഗത്തില് പെട്ട 3 പേരാണ് ആന പാപ്പാന് മെറിറ്റ് പട്ടികയിലുള്ളത്.
പ്രതികരിക്കാൻ ഇവിടെ എഴുതുക: