കൊച്ചി: നടിയെ ആക്രമിച്ച കേസില് തെളിവുകള് തീരുമാനിക്കട്ടെ എന്ന് പ്രതി പള്സര് സുനി. ദിലീപ് ജാമ്യത്തിലിറങ്ങിയതില് തനിക്ക് ഭയമില്ലെന്നും പള്സര് സുനി കൂട്ടിച്ചേര്ത്തു.
മുതിര്ന്ന നടിയെ തട്ടിക്കെണ്ട് പോകാന് ശ്രമിച്ച കേസില് എറണാകുളം സിജെഎം കോടതിയില് ഹാജരാക്കിയപ്പോഴായിരുന്നു സുനിയുടെ പ്രതികരണം.
തനിക്ക് ജാമ്യത്തിന് വേണ്ടി അപേക്ഷ നല്കേണ്ടെന്ന് കഴിഞ്ഞ ദിവസം അഭിഭാഷകനോട് പള്സര് സുനി ആവശ്യപ്പെട്ടിരുന്നു. സുപ്രീം കോടതിയില് ജാമ്യ ഹര്ജി നല്കുന്നതുമായി ബന്ധപ്പെട്ട് സുനിയുടെ അഭിഭാഷകനായ ബി.എ ആളൂര് വിയ്യൂര് ജയിലിലെത്തിയപ്പോഴാണ് ജാമ്യം വേണ്ടെന്ന് അറിയിച്ചത്.
പുറത്തിറങ്ങിയാല് തന്റെ ജീവന് ഭീഷണിയുണ്ടെന്ന് സുനി പറഞ്ഞതായി ആളൂര് പറഞ്ഞു. ജയിലില് കിടന്ന് തന്നെ കേസ് നടത്താനാണ് ആഗ്രഹിക്കുന്നതെന്നും സുനി പറഞ്ഞിരുന്നു.
പ്രതികരിക്കാൻ ഇവിടെ എഴുതുക: