കൊല്ലം: ചുവപ്പ്, ജിഹാദി ഭീകരതയ്ക്ക് ജനകീയ മുന്നേറ്റം കൊണ്ട് മറുപടി നല്കി ജനരക്ഷായാത്ര 15ന് കൊല്ലത്തിന്റെ മണ്ണിലെത്തും. പത്തോളം മുന്നിര ദേശീയനേതാക്കളാണ് കൊല്ലത്തെ പദയാത്രയില് അണിനിരക്കുന്നത്. കുണ്ടറ മുതല് കൊല്ലം വരെയുള്ള പദയാത്ര ചരിത്രസംഭവമാക്കാനാണ് ബിജെപി ത്യ്യാറെടുക്കുന്നത്.
പ്രതിരോധമന്ത്രി നിര്മ്മല സീതാരാമനൊപ്പം കൊല്ലത്തിന്റെ ജനകീയവികാരം ഏറ്റുവാങ്ങാന് മുതിര്ന്ന നേതാക്കള് എത്തും. കേന്ദ്ര ഗതാഗത വകുപ്പ് മന്ത്രി നിതിന് ഗഡ്കരി, ഗോവ മുഖ്യമന്ത്രി മനോഹര് പരീക്കര് തുടങ്ങിയ ദേശീയ നേതാക്കളുടെ നീണ്ടനിര കൊല്ലത്തിന്റെ ആവേശമേറ്റുവാങ്ങും.
ജില്ലയില് കൊട്ടാരക്കരയിലും കൊല്ലത്തും പൊതുസമ്മേളനങ്ങളും കുണ്ടറയില് നിന്ന് കൊല്ലത്തേക്ക് പദയാത്ര എന്ന രീതിയിലുമാണ് ജനരക്ഷായാത്ര ക്രമീകരിച്ചിരിക്കുന്നത്. ‘എല്ലാവര്ക്കും ജീവിക്കണം, ജിഹാദി -ചുവപ്പ് ഭീകരതയ്ക്കെതിരെ’ എന്നീ മുദ്രാവാക്യങ്ങള് ഉയര്ത്തി നടത്തുന്ന യാത്ര നാല് ദിവസം പിന്നിടുമ്പോള് ജനപങ്കാളിത്തം കൂടി വരികയാണ്. രണ്ട് പൊതു പരിപാടികളിലായി ഒരു ലക്ഷം പ്രവര്ത്തകരെ പങ്കെടുപ്പിക്കാനാണ് തീരുമാനം.
സിപിഎമ്മിന്റ കണ്ണൂര് മോഡല് അക്രമങ്ങളും കൊലപാതകങ്ങളും കൊല്ലം ജില്ലയെയും ബാധിച്ചിരിക്കുന്ന കാലത്താണ് യാത്ര കടന്നുവരുന്നത്. മാസങ്ങള്ക്ക് മുമ്പാണ് കടയ്ക്കലില് ബിജെപി പഞ്ചായത്ത് സമിതി പ്രസിഡന്റ് രവീന്ദ്രനാഥിനെ ക്രൂരമായി കൊലപ്പെടുത്തിയത്. ജില്ലയുടെ വിവിധ ഭാഗങ്ങളില് വ്യാപകമായി സംഘപരിവാര് പ്രവര്ത്തകര്ക്ക് നേരെ നിരന്തരം അക്രമണങ്ങളുണ്ടാകുന്നു .
ജിഹാദി പ്രവര്ത്തനങ്ങളും നിര്ബന്ധിത മതപരിവര്ത്തനങ്ങളും ജില്ലയില് വര്ദ്ധിച്ച് വരികയാണ്. നടപടിയെടുക്കേണ്ട പോലീസ് സംവിധാനം നിസംഗത പാലിക്കുന്നു. യാത്രാ മുദ്രാവാക്യങ്ങള് ഉയര്ത്തി വരും ദിവസങ്ങളില് മഹിളാ മോര്ച്ചയുടെ നേതൃത്വത്തില് പഞ്ചായത്ത് തലത്തില് വിളംബര ജാഥകള് നടക്കും .യുവമോര്ച്ചയുടെ നേതൃത്വത്തില് ദീപശിഖാ പ്രയാണങ്ങളും നടക്കും.
സ്വാഗത സംഘം ചെയര്മാനായി പൊയിലക്കട രാജന് നായരെയും ജനറല് കണ്വീനറായി ജി. ഗോപിനാഥിനെയും തെരഞ്ഞെടുത്തു. മറ്റ് ഭാരവാഹികള്: രക്ഷാധികാരികള്: ജി.ശിവരാമന്, അഡ്വ. അപ്പുക്കുട്ടന് പിള്ള, ആര്.ദിവാകരന്, ആര്. ഗോപാലകൃഷ്ണന്, കെ ശിവദാസന്, എന്. ബാലമുരളി, തെക്കടം സുദര്ശനന്, ബി.രാധാമണി, സോമരാജന്, അഡ്വ:എന് ബി രാജു, വി. വിശ്വജിത്, ഡോ: വി.ശശിധരന്. വൈസ് ചെയര്മാന്മാര്: മേജര് ജനറല് സി.എസ്. നായര്, ഗോപി, ജ്യോതികുമാര്, രാജന് ജോര്ജ്, അനില് കുമാര്, അഡ്വ:ആര്. രാജേന്ദ്രന്, സോമയാജി, അജയന്, സുശീല്. ഡിപ്പാര്ട്ടുമെന്റ് ഇന് ചാര്ജ്: വി.എസ്. ജിതിന്ദേവ്, അഡ്വ:എന്. ചന്ദ്രമോഹന്, ആര്. രാജഗോപാല്. ബൈജു ചെറുപൊയ്ക, പന്നിമണ് രാജേന്ദ്രന്, അഡ്വ:ജി ഗോപകുമാര്, അനില് കുമാര്, സുജിത് സുകുമാരന്, ടി.വി. സനില്, ഓലയില് ബാബു, അഡ്വ: വേണുഗോപാല്, ശശികലാറാവു, അഡ്വ: കിഴക്കനേല സുധാകരന്, ആര്. രാജഗോപാല്, നളിനി ശങ്കരമംഗലം, വിഷ്ണു, പ്രൊഫ: രാജ്കുമാര്, ആര് സുരേന്ദ്രനാഥ്, നെടുമ്പന ഓമനക്കുട്ടന്, അഡ്വ: വയയ്ക്കല് സോമന്, ഡോ: ശ്രീകുമാര്, അനില് വാഴപ്പള്ളി, ശ്രീലാല്, വസന്ത ബാലചന്ദ്രന്, എം.എസ്. ലാല്, പൊയിലക്കട രാജന് നായര്
പ്രതികരിക്കാൻ ഇവിടെ എഴുതുക: