വാഷിംങ്ടൺ: രാഹുൽ ഗാന്ധിയെ പരിഹസിച്ച് കേന്ദ്ര ധനമന്ത്രി അരുൺ ജെയ്റ്റ്ലി. കഴിവും സാമര്ഥ്യവുമുള്ളവരെയാണ് കോണ്ഗ്രസ് പാര്ട്ടി നേതാക്കളായി തെരഞ്ഞെടുക്കേണ്ടതെന്ന് അദ്ദേഹം പറഞ്ഞു. ബെര്കെലെ ഇന്ത്യ സമ്മേളനത്തെ വീഡിയോ കോണ്ഫറന്സിംഗിലൂടെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
കഴിവില്ലാത്തവർ നേതൃനിരയില് എത്തിയാൽ കോണ്ഗ്രസ് തകർച്ചയിലേക്ക് കൂപ്പുകുത്തുമെന്ന് അദ്ദേഹം തുറന്നടിച്ചു. ഇന്ത്യയില് വര്ഗീയ രാഷ്ട്രീയം ഒരു പ്രശ്നമാണെന്നാണ് കോണ്ഗ്രസ് വൈസ് പ്രസിഡന്റ് രാഹുല് ഗാന്ധി പറയുന്നത്.
ഇന്ത്യയില് വിവിധ മതങ്ങളില് വിശ്വസിക്കുകയും വിവിധ ഭാഷകള് സംസാരിക്കുകയും ചെയ്യുന്നവരുണ്ട്. ഇവരെ ഒരുമിച്ച് കൊണ്ടുപോയത് കോണ്ഗ്രസിന്റെ ആശയങ്ങളാണെന്ന് രാഹുല് പറഞ്ഞിരുന്നു. എന്നാല് അദ്ദേഹത്തിന്റെ പാര്ട്ടിയെ വലിയൊരു വിഭാഗം ജനങ്ങളും എതിര്ക്കുകയാണെന്നും ജെയ്റ്റ്ലി ചൂണ്ടിക്കാട്ടി.
രാഹുല് ഗാന്ധി യുഎസില് വിദ്യാര്ഥികളെ അഭിസംബോധന ചെയ്ത് ഒരു മാസത്തിനു ശേഷമാണ് ജെയ്റ്റ്ലി പ്രഭാഷണം നടത്തിയിരിക്കുന്നത്.
പ്രതികരിക്കാൻ ഇവിടെ എഴുതുക: