അരൂര്: അരൂര് – കുമ്പളം ടോള് പിരിവ് നിര്ത്തലാക്കണമെന്ന് ആവശ്യപ്പെട്ട് വിവിധ സംഘടനകള് നിയമ നടപടികള്ക്ക് ഒരുങ്ങുന്നു.
നിലവില് പാലം നിര്മ്മിച്ചതിന്റെ മുതല് മുടക്കും അതിന്റെ പലിശ സഹിതം നാലിരട്ടിയിലധികം ദേശീയ പാത അധികൃതര്ക്ക് ലഭിച്ചു കഴിഞ്ഞു. എന്നിട്ടും ടോള് സംവിധാനം നിര്ത്തലാക്കുവാന് ദേശീയ പാത അധികൃതര് തയ്യാറാകുന്നില്ല.
ടോള് പിരിവ് നിര്ത്തലാക്കണമെന്ന് ആവശ്യപ്പെട്ട് നിരവധി തവണ ദേശീയ പാത അധികൃതര്ക്ക് നിവേദനം സമര്പ്പിച്ചിരുന്നു. എന്നിട്ടും അവഗണനയാണ് ഫലം.
ഇത്തരം സാഹചര്യത്തിലാണ് റോഡ് സുരക്ഷാ സമിതി നിയമ നടപടിക്ക് ഒരുങ്ങുന്നത്. കുമ്പളം നിവാസികള്ക്ക് ടോള് പിരിവില് നിന്നും ഇളവ് നല്കിയിട്ടുണ്ട്.
എന്നാല് ഒരു കിലോ മീറ്റര് പോലും ദൂരമില്ലാത്ത അരൂര് നിവാസികള്ക്ക് ടോളില് നിന്നും യാതൊരുവിധ ഇളവുകളും നല്കിയിട്ടില്ല. ടോള് പിരിവ് ഇളവ് അരൂര് നിവാസികള്ക്കും ബാധകമാക്കണമെന്ന് നിരവധി തവണ ആവശ്യപ്പെട്ടിരിന്നു.
എന്നാല് ദേശീയ പാത അധികൃതര് അതിന് തയ്യാറായിട്ടില്ല. ഇത്തരം സാഹചര്യങ്ങളില് നിയമനടപടി സ്വീകരിക്കുകയല്ലാതെ മറ്റ് മാര്ഗ്ഗമില്ലെന്ന് സംഘടനാ ഭാരവാഹികള് പറയുന്നു.
പ്രതികരിക്കാൻ ഇവിടെ എഴുതുക: