ജനരക്ഷായാത്രയെ വരവേല്‍ക്കാന്‍ കോട്ടയം

Tuesday 10 October 2017 10:03 pm IST

കോട്ടയം: ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ നയിക്കുന്ന ജനരക്ഷായാത്രയെ വരവേല്‍ക്കാന്‍ നഗരം ഒരുങ്ങി. കുമ്മനം രാജശേഖരന്റെ ജന്മനാടെന്ന പ്രത്യേകതയും കോട്ടയത്തിനുണ്ട്. ജന്മനാട്ടില്‍ എത്തുന്ന കുമ്മനത്തിന് അവേശോജ്വലമായ സ്വീകരണമാണ് ഒരുക്കിയിരിക്കുന്നത്. നാളെയാണ് യാത്ര കോട്ടയത്ത്് എത്തുന്നത്്. നാടും നഗരവും അലങ്കാരങ്ങളാല്‍ നിറഞ്ഞു. ജില്ലാ കമ്മറ്റി,മണ്ഡലം കമ്മറ്റി,പഞ്ചായത്ത് കമ്മറ്റി എന്നിവരുടെ നേതൃത്വത്തില്‍ അലങ്കാര കമ്മറ്റികള്‍ പ്രവര്‍ത്തിച്ചുവരുന്നു. ജനരക്ഷായാത്ര കടന്നുപോകുന്ന വൈക്കം, കടുത്തുരുത്തി,ഏറ്റുമാനൂര്‍,കോട്ടയം മണ്ഡലങ്ങളില്‍ കൊടി തോരണങ്ങള്‍,മുള ഉപയോഗിച്ചു അലങ്കാരങ്ങള്‍,നിശ്ചല ദൃശ്യങ്ങള്‍,ആര്‍ച്ചുകള്‍ എന്നിവകൊണ്ട് അലങ്കരിക്കപ്പെട്ടു കഴിഞ്ഞു. അക്ഷര നഗരിയായ കോട്ടയത്തിന്റെ പ്രൗഢി തെളിയിക്കുന്ന തരത്തില്‍ പേനയുടെ മാതൃകാ രൂപങ്ങള്‍ ശ്രദ്ധേയമാണ്. കോട്ടയം ജില്ലയിലെ വിവിധ മണ്ഡലങ്ങളിലെ പ്രവര്‍ത്തകര്‍ ദിവസങ്ങളായി രാപകലില്ലാതെയുള്ള പ്രവര്‍ത്തനങ്ങളുടെ ഫലമായി 12ന് എത്തുന്ന ജനരക്ഷായാത്രയുടെ ആവേശം അലങ്കാരമായി മാറിയ കാഴ്ചയാണ് ജില്ലയില്‍ എങ്ങും കാണുന്നത്. ജില്ലയിലെ അലങ്കാര പ്രവര്‍ത്തനങ്ങള്‍ക്ക് അലങ്കാര കമ്മിറ്റി ജില്ലാ കണ്‍വീനര്‍ രവീന്ദ്രനാഥ് വാകത്താനം, കോ-കണ്‍വീനര്‍ ശരത് കുമാര്‍ തൃക്കൊടിത്താനം എന്നിവര്‍ നേതൃത്വം നല്‍കുന്നു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.