തിരുവനന്തപുരം: ജനരക്ഷായാത്ര തിരുവനന്തപുരം മണ്ഡലത്തിന്റെ സ്വാഗതസംഘം ഓഫീസ് ഒ.രാജഗോപാല് എംഎല്എ ഉദ്ഘാടനം ചെയ്തു. ഏറ്റവും ജനശ്രദ്ധയാകര്ഷിച്ച ജനരക്ഷായാത്രയെ ചരിത്രത്തിന്റെ ഭാഗമാക്കുകയാണ് ലക്ഷ്യമെന്ന് അദ്ദേഹം പറഞ്ഞു. ഈ യാത്ര മുസ്ലിം വിരുദ്ധമോ മാര്ക്സിസ്റ്റ് വിരുദ്ധമോ അല്ല. എല്ലാവര്ക്കും ജീവിക്കാനുള്ള അവകാശത്തിനുവേണ്ടിയുള്ള യാത്രയാണിത്. സമാപനദിവസം ശ്രീകാര്യത്തുനിന്ന് ആരംഭിച്ച് തിരുവനന്തപുരത്ത് എത്തിച്ചേരുന്ന യാത്രയ്ക്ക് ജില്ലയിലെ പൊതുജനങ്ങളുടെ പിന്തുണ അദ്ദേഹം അഭ്യര്ത്ഥിച്ചു. ഇതുവരെ നടന്ന യാത്രകളില്നിന്ന് വ്യത്യസ്ഥമായി ഇതിന് ജനങ്ങളുടെ ഇടയില് വന് സ്വാധിനം ചെലുത്താനായി. ഈ യാത്ര കേരള രാഷ്ട്രീയത്തില് സമൂല മാറ്റത്തിനുള്ള തുടക്കമായിക്കഴിഞ്ഞു എന്നും അദ്ദേഹം കൂട്ടിച്ചേര്ത്തു.
ബിജെപി സംസ്ഥാന വക്താവ് എം. എസ്. കുമാര്, തിരുവനന്തപുരം മണ്ഡലം പ്രസിഡന്റ് കെ. രാജശേഖരന്, ജനറല് സെക്രട്ടറി വിനോദ് തമ്പി, ജില്ലാ സെക്രട്ടറി പാങ്ങപ്പാറ രാജീവ്, ജില്ലാ ഉപാദ്ധ്യക്ഷന് പൂന്തുറ ശ്രീകുമാര്, കൗണ്സിലര്മാരായ കോമളവല്ലി, മിനി, മഹിളാമോര്ച്ച ജില്ലാ അദ്ധ്യക്ഷ സുകന്യ തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: