കട്ടപ്പന: കൗമാരക്കാരിയെ തട്ടിക്കൊണ്ടുപോയി പീഡിപ്പിച്ചയാള് പിടിയില്. പുളിയന്മല സ്കൂള്മേട് ഹരിജന് കോളനിയില് സുരേഷ് (അജി-28) ആണ് പിടിയിലായത്. പെണ്കുട്ടിയുടെ സുഹൃത്തും ഇയാളുടെ ബന്ധുവുമായ മറ്റൊരു പെണ്കുട്ടി മുഖേനയാണ് പ്രതി കൗമാരക്കാരിയെ പരിചയപ്പെടുന്നത്.തുടര്ന്ന് വിവാഹ വാഗ്ദാനം നല്കി മധുരയില് കൊണ്ടുപോയി.
പരാതിയെ തുടര്ന്ന് സിഐ വി.എസ്. അനില്കുമാറിന്റെ നേതൃത്വത്തില് നടത്തിയ അന്വേഷണത്തില് കോയമ്പത്തൂരിലെ ബന്ധുവീട്ടില് നിന്നാണ് ഇവരെ കണ്ടെത്തിയത്. ഇതിനിടെ പെണ്കുട്ടിയുടെ എസ്എസ്എല്സി ബുക്ക് തിരുത്തി വിവാഹം രജിസ്റ്റര് ചെയ്യാന് പ്രതി ശ്രമിച്ചിരുന്നു. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
പ്രതികരിക്കാൻ ഇവിടെ എഴുതുക: