കായംകുളം: മുഖം മൂടി ധരിച്ച് യുവാവിനെ വധിക്കാന് ശ്രമിച്ച കേസിലെ നാല് പ്രതികളെ പോലിസ് പിടികൂടി. ചേരാവള്ളി കൊറ്റനാട് ബംഗ്ലാവില് കണ്ണന്(36), ചിറക്കടവം കൊച്ചുമുല്ലശ്ശേരില് വീട്ടില് ശംഭു(34), കുറ്റിക്കാട്ടില് വയലില് അനു (28), കണ്ടത്തില് വീട്ടില് തോമസ് മാത്യു(40) എന്നിവരെയാണ് സിഐ കെ. സദന്റെ നിര്ദേശാനുസരണം കായംകുളം എസ്ഐ എ. രാജന് ബാബു പിടികൂടിയത്.
ആക്രമണത്തിന് ശേഷം തിരുവനന്തപുരം ആക്കുളത്തുള്ള ഫ്ളാറ്റില് ഒളിവില് താമസിക്കുന്നതായി രഹസ്യവിവരം കിട്ടിയതിന്റെ അടിസ്ഥാനത്തില് ഫ്ളാറ്റ് വളഞ്ഞാണ് ഇവരെ പിടികൂടിയത്.
കഴിഞ്ഞ ദിവസം മേനാത്തേരി ജങ്ഷനില് കൃഷണപുരം കാപ്പില് മേക്ക് ചെല്ലപ്പന്റ മകന് കൃഷ്ണകുമാര് (28)നെയാണ് സംഘം വധിക്കാന് ശ്രമിച്ചത്. രണ്ട് വര്ഷം മുമ്പ് കണ്ണനെ ആക്രമിച്ച കേസിലെ പ്രതിയാണ് കൃഷ്ണകുമാര്. ഇതിന്റെ വൈരാഗ്യമാണ് ആക്രമണത്തിന് പിന്നിലെന്നും പോലിസ് പറഞ്ഞു.
എഎസ്ഐ സുരേഷ് കുമാര്, സിവില് പോലിസ് ഓഫിസറന്മാരായ എസ്. സന്തോഷ് കുമാര്, കെ.സി. സതീഷ് എന്നിവരും സംഘത്തില് ഉണ്ടായിരുന്നു.
പ്രതികരിക്കാൻ ഇവിടെ എഴുതുക: