മോസ്കോ: ഭാരതീയ സംസ്കാരം ലോകത്തിന്റെ വിവിധ കോണുകളിൽ എത്തുന്നത് അതിന്റെ മഹത്വം കൊണ്ട് മാത്രമാണ്. പല രീതിയിലും ശൈലിയിലും അത് ലോകത്തെ തന്നെ ആശ്ചര്യപ്പെടുത്തുന്നു. ഇപ്പോൾ ഇതാ റഷ്യയിലെ സെന്റ് പീറ്റേഴ്സ്ബർഗിൽ ‘വേദാ വില്ലേജ്’ എന്ന പേരിൽ ചെറു അപ്പാർട്ട്മെന്റ് കോംപ്ലക്സ് പ്രദേശം ലോക ശ്രദ്ധയാകർഷിക്കുകയാണ്.
റഷ്യയിലെ ഏറ്റവും തിരക്കാർന്ന സെന്റ് പീറ്റേഴ്സ് ബർഗിലാണ് ‘വേദാ വില്ലേജ്’ എന്ന അപ്പാർട്ട്മെന്റ് കോംപ്ല്ക്സ് സ്ഥിതി ചെയ്യുന്നത്. ‘നിങ്ങൾ സസ്യഭോജനം ആഗ്രഹിക്കുന്നവരാണെങ്കിൽ കടന്നു വരാം’ എന്ന ആലേഖനത്തോടെയാണ് ഇവിടേയ്ക്ക് ജനങ്ങളെ സ്വീകരിക്കുന്നത്. മാംസാഹാരം, മദ്യപാനം, പുകവലി, മയക്കുമരുന്ന് എന്നീ ദുഷിപ്പുകളൊന്നും ഈ അപ്പർട്ട്മെന്റുകളിൽ ഒരിക്കലും ഉണ്ടാകില്ല എന്നതാണ് ഏറ്റവും വലിയ പ്രത്യേകത. എല്ലാവരും ഒരുപോലെ ഒരു സസ്യാഹാരത്തെ പിന്തുടരുന്ന ഇവിടെ ഐക്യവും സമാധാനവും നിലനിൽക്കുന്നും എന്നത് മറ്റൊരു സുപ്രധാന സവിശേഷതയാണ്.
ഭാരതീയ സംസ്കാരത്തെ മുറുകെ പിടിച്ച് മുന്നോട്ട് പോകുന്ന ഇവിടുത്തെ കെട്ടിടങ്ങൾ നിർമ്മിച്ച് ഇരിക്കുന്നത് ഭാരതീയ പാരമ്പര്യ വാസ്തു നിർമ്മാണ ശൈലിയും ചൈനീസ് വാസ്തു നിർമ്മാണ ശൈലിയായ ഫെങ് ഷുയി സംയോജിച്ച് കൊണ്ടാണെന്ന് വേദാ വില്ലേജിന്റെ മാനേജർ മായാ പൊട്ലിസാപ്ക്യ പറഞ്ഞു. ഇവിടെ രണ്ട് അപ്പാർട്ട്മെന്റ് സമുച്ചയങ്ങൾ പണിത് കഴിഞ്ഞിട്ടുണ്ട്. മറ്റ് കെട്ടിടങ്ങൾ 2018 ആദ്യ പകുതിയോടെ പണി പൂർത്തിയാക്കുമെന്നാണ് വിശ്വസിക്കുന്നതെന്ന് മായ അറിയിച്ചു.
പുതിയതായി നിർമ്മിക്കുന്ന കെട്ടിടങ്ങളിൽ യോഗ സെന്റർ, ജിംനേഷ്യം, സ്പാ, ചെറു വാണിജ്യ സ്ഥാപനങ്ങൾ, ഡേ കെയർ സംവിധാനം, വിദ്യാഭ്യാസ കേന്ദ്രം വെജിറ്ററേനിയൻ ഹോട്ടൽ എന്നിവയും ഉൾപ്പെടുന്നതായി മായ വ്യക്തമാക്കി.
പ്രതികരിക്കാൻ ഇവിടെ എഴുതുക: