തിരുവനന്തപുരം: ‘ജീവിതവിജയം വേദങ്ങളിലൂടെ’ വേദവിദ്യാ പരിശീലനപദ്ധതി ഒക്ടോബര് 15ന് വൈകിട്ട് 4ന് പാളയം ചന്ദ്രശേഖരന്നായര് സ്റ്റേഡിയത്തിലെ ഒളിംബ്യ ചേംബേഴ്സില് ആചാര്യശ്രീ രാജേഷ് ഉദ്ഘാടനം ചെയ്യും. മുന് ചീഫ്സെക്രട്ടറി സി.പി. നായര്, ഡോ എം.ജി. ശശിഭൂഷണ് എന്നിവര് മുഖ്യാതിഥികളായിരിക്കും. വേദങ്ങളുടെ അടിസ്ഥാനത്തില് വ്യക്തിത്വവികാസം, കുടുംബജീവിതം, സാമൂഹ്യബന്ധം, ഭക്ഷണസംസ്കാരം, സാമ്പത്തികവിനിയോഗം, സമയക്രമീകരണം, ആരോഗ്യസംരക്ഷണം, യോഗ എന്നിവയുമായി ബന്ധപ്പെട്ട ജീവിതക്രമങ്ങളെ ആധുനികലോകത്തിന് ഉപയോഗമാകുംവിധം പഠിപ്പിക്കാനും അനുശീലിപ്പിക്കാനും ഉദ്ദേശിച്ചിട്ടുള്ളതാണ് ഒരുവര്ഷം നീണ്ടുനില്ക്കുന്ന വേദവിദ്യാ പരിശീലന പദ്ധതി.
ഋക്, യജു, സാമ, അഥര്വ വേദങ്ങളിലെ മന്ത്രങ്ങളോടും സൂക്തങ്ങളോടുമൊപ്പം പ്രാചീന വൈദികചരിത്രവും സാമൂഹ്യസാമ്പത്തികശാസ്ത്രവും ആരോഗ്യശാസ്ത്രവും വൈദികജേ്യാതിഷവും വേദഗണിതപദ്ധതിയും ആഴത്തില് പഠിപ്പിക്കുന്നതാവും പുതിയ പഠനപദ്ധതി. ബ്രഹ്മയജ്ഞമെന്ന പ്രാചീന ധ്യാനപദ്ധതിയും അഗ്നിഹോത്രമെന്ന വൈദികഹോമപദ്ധതിയും പഠനത്തിന്റെ ഭാഗമാണ്. മള്ട്ടിമീഡിയ പ്രസന്റേഷന്, വീഡിയോ കോണ്ഫെറെന്സിംഗ് തുടങ്ങിയ ആധുനിക സാങ്കേതികവിദ്യയുടെ സഹായത്താല് പ്രാചീന വേദവിദ്യയെ പഠിപ്പിക്കുന്നതിനുള്ള ആദ്യത്തെ സംരംഭമായിരിക്കും ഇത്. ഒരുവര്ഷം നീണ്ടുനില്ക്കുന്ന ക്ലാസുകള് എല്ലാ ഞായറാഴ്ചകളിലും രാവിലെ 10 ന് നടക്കും. കൂടുതല് വിവരങ്ങള്ക്ക് 9645090018, 9446321440 എന്നീ നമ്പരുകളില് ബന്ധപ്പെടുക.
പ്രതികരിക്കാൻ ഇവിടെ എഴുതുക: