കണ്ണൂര്: സ്കൂള് കായികമേളയുടെ ആദ്യദിനം പിറന്നത് അഞ്ച് മീറ്റ് റിക്കോര്ഡുകള്. സബ് ജൂനിയര് ഗേള്സ് വിഭാഗം 400 മീറ്റര്, ജൂനിയര് ബോയ്സ് 400 മീറ്റര്, സീനിയര് ബോയ്സ് 400 മീറ്റര്, സബ് ജൂനിയര് ഗേള്സ് 4 ഃ100 മീറ്റര് റിലേ, ജൂനിയര് ബോയ്സ് 4 ഃ100 മീറ്റര് റിലേ എന്നിവയിലാണ് പുതിയ റിക്കോര്ഡുകള്. സബ് ജൂനിയര് ഗേള്സ് വിഭാഗത്തില് 2015 ല് ജിവിഎച്ച്എസ്എസ് കണ്ണൂരിന്റെ എസ്.സോനയുടെ 1:04:11 സെക്കന്റ് എന്ന സമയം സിഎച്ച്എം എച്ച്എസ്എസിലെ സി.അനുഗ്രഹ ഭേദിച്ചു. 1:3:81 സെക്കന്റു കൊണ്ടാണ് അനുഗ്രഹ 400 മീറ്റര് ഓടിത്തീര്ത്തത്. ജൂണിയര് ബോയ്സ് 400 മീറ്ററില് സിഎച്ച്എംഎച്ച്എസ്എസിന്റെ മുഹമ്മദ് സഹല് 0:52:46 സെക്കന്റ് കൊണ്ട് ലക്ഷ്യം നേടി. 2009ല് ജിഎച്ച്എസ്എസ് കോഴിച്ചാലിന്റെ ജിത്തു ബേബിയുടെ പേരിലുള്ള 54:08 എന്ന റിക്കോര്ഡാണ് തിരുത്തിയത്. സീനിയര് ബോയ്സ് 400 മീറ്ററില് സിഎച്ച്എംഎച്ച്എസ്എസിന്റെ തന്നെ പി.ജി.അഭിലാഷാണ് പുതിയ റിക്കോര്ഡിട്ടത്. 2015ല് കാടാച്ചിറ എച്ച്എസ്എസിന്റെ വി.സി.കാര്ത്തികിന്റെ 52:32 സെക്കന്റ് എന്ന സമയം അഭിലാഷ് 0:52:9 സെക്കന്റ് കൊണ്ട് ഓടിത്തീര്ത്ത് റിക്കോര്ഡ് ഭേദിക്കുകയായിരുന്നു.
സബ് ജൂനിയര് ഗേള്സ് 4 ഃ100 മീറ്റര് റിലേയില് ഇരിക്കൂര് സബ്ജില്ലയുടെ 57:84 സെക്കന്റ് എന്ന സമയം കണ്ണൂര് നോര്ത്താണ് ഭേദിച്ചത്. 55:83 സെക്കന്റു കൊണ്ടാണ് ഇവര് ലക്ഷ്യം നേടിയത്.
ജൂനിയര് ബോയ്സ് കണ്ണൂര് നോര്ത്ത് തന്നെയാണ് റിക്കോര്ഡ് ഭേദിച്ചത്. 46:33 സെക്കന്റ് കൊണ്ടാണ് ഇവര് ഫിനിഷ് ചെയ്തത്. 2011 ല് ഇരിട്ടി ഉപജില്ല കൈവരിച്ച 46:94 എന്ന സെക്കന്റാണ് തിരുത്തിക്കുറിക്കപ്പെട്ടത്. കഴിഞ്ഞവര്ഷം ആദ്യദിവസം ആറു റിക്കോര്ഡുകള് പിറന്നിരുന്നു.
പ്രതികരിക്കാൻ ഇവിടെ എഴുതുക: