ചങ്ങനാശ്ശേരി: മാടപ്പള്ളി പഞ്ചായത്തിലെ ഗ്രാമമുത്തശ്ശിയെ കുടുംബശ്രീ പ്രവര്ത്തകര് ആദരിച്ചു. 112 വയസുള്ള പാലമറ്റം പുതുച്ചിറ തങ്കമ്മ ചിന്നയെയാണ് ആദരിച്ചത്.
ഏക മകള് പൊന്നമ്മയുടെയും ഭര്ത്താവ് രാജപ്പന്റെയും സംരക്ഷണയിലാണ് തങ്കമ്മ. 22 വര്ഷം മുമ്പ് ശരീരം തളര്ന്നുവെങ്കിലും മക്കളുടെ സ്നേഹപരിചരണവും ചികിത്സയും കൊണ്ട് തങ്കമ്മ പൂര്വ സ്ഥിതിയിലായി. കൈക്കുപിടിച്ചു നടക്കും. വര്ത്തമാനം പറയുകയും പാട്ടുപാടുകയും ചെയ്യും. ഓര്മ്മ കുറവുണ്ട്. ആറ് കൊച്ചുമക്കളാണ് തങ്കമ്മയ്ക്കുള്ളത്. ഇവര് തങ്കമ്മയ്ക്കു നല്കുന്ന സ്നേഹപരിചരണം നാടിനുതന്നെ മാതൃകയാണ്. വാര്ഡ് മെമ്പര് ഷിബു ഫിലിപ്പ് അധ്യക്ഷനായചടങ്ങില് മാടപ്പള്ളി ഗ്രാമപഞ്ചായത്ത് വൈസ് പ്രസിഡന്റ് വര്ഗീസ് ടി എബ്രഹാം പൊന്നാട അണിയിച്ചു. സിഡിഎസ് ചെയര്പേഴ്സണ് വിജയമ്മ തങ്കപ്പന്, വൈസ് ചെയര്പേഴ്സണ് കോമളവല്ലി സുകുമാരന്, സിഡിഎസ് അംഗം കെ.പി. വിജയമ്മ, എഡിഎസ് ചെയര്പേഴ്സണ് തങ്കമ്മ ഗോപി, സിഡിഎസ് അക്കൗണ്ടന്റ് നിഷ ബിനോജ്, കുടുംബശ്രീ പ്രവര്ത്തകര് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: