ഇരിട്ടി: ആറളം ഫാമില് കാട്ടനകള് കൃഷി നശിപ്പിക്കുന്നത് തുടര്ക്കഥയാവുന്നു. ഫാമില് വീണ്ടും കാട്ടനകളിറങ്ങി വ്യാപക കൃഷിനാശമാണ് ഉണ്ടാക്കിയത്. ഞായറാഴ്ച പുലര്ച്ചെ ഫാം നഴ്സറിയുടെ കമ്പിവേലി തകര്ത്ത് അകത്തുകടന്ന കാട്ടകള് വില്പ്പനക്ക് തയ്യാറാക്കിയ 600 ഓളം തെങ്ങിന് തൈകളാണ് നശിപ്പിച്ചത്. നഴ്സറിക്കുള്ളിലെ പത്തോളം വലിയ തെങ്ങുകളും മറിച്ചിട്ടു. തെഴിലാളികള്ക്ക് താമസിക്കാനൊരുക്കിയ താല്ക്കാലിക ഷെഡ്ഡും തകര്ത്തിട്ടുണ്ട്. വര്ഷങ്ങള്ക്ക് മുന്പ് ഫാമിനകത്ത് സ്ഥാപിച്ച ശിലാഫലകവും തകര്ത്തിട്ടുണ്ട്. കുറച്ച് ദിവസങ്ങളിലായി ഫാമിനകത്ത് കാട്ടാനശല്യം കുറഞ്ഞെങ്കിലും ഇപ്പോള് വീണ്ടും കാട്ടാനക്കൂട്ടം ഫാമിനകത്ത് ഭീതി പരത്തുകയാണ്. ഒറ്റദിവസം കൊണ്ട് ലക്ഷങ്ങളുടെ നാശനഷ്ടമാണ് ഫാമിനകത്ത് കാട്ടാനകള് വരുത്തിത്തീര്ത്തത്. മുന് കാലങ്ങളിലും ഫാമിലെ നൂറ് കണക്കിന് തെങ്ങുകള് കാട്ടാനകള് നശിപ്പിച്ചിരുന്നു.
പ്രതികരിക്കാൻ ഇവിടെ എഴുതുക: