അമ്പലപ്പുഴ: ഹര്ത്താല് ദിനത്തില് പോലിസ് ജീപ്പ് അക്രമിച്ച യൂത്ത് കോണ്ഗ്രസുകാരന് കഞ്ചാവു കേസിലെ പ്രതി. പുറക്കാട് പഞ്ചായത്ത് 17-ാം വാര്ഡില് പുതുവല് അരുണ് (24) ആണ് സ്ക്കൂള് വിദ്യാര്ത്ഥികള്ക്ക് കഞ്ചാവുവില്പന നടത്തിയ കേസിലെ പ്രതി.
2016 ഓഗസ്റ്റ് ആറിനാണ് പുറക്കാട് എസ്എന്എം ഹയര് സെക്കന്ററി സ്കൂളിനു സമീപം കഞ്ചാവു വില്പനയ്ക്കിടെ ഇയാളെ പോലീസ് പിടികൂടിയത്. ഇതിനു ശേഷം കെഎസ്യു, യൂത്ത് കോണ്ഗ്രസ് എന്നിവയില് സജീവമായി പ്രവര്ത്തിച്ചു വരവേയാണ് ഹര്ത്താല് ദിനത്തില് പോലിസ് ജീപ്പ് തകര്ക്കാന് ശ്രമം നടത്തിയത്. പോലീസ് പിടികൂടിയ ഇയാളെ വിട്ടുകിട്ടണം എന്നാവശ്യപ്പെട്ട് യുഡിഎഫ് ജില്ലാ കണ്വീനര് എം. മുരളി, ഡിസിസി പ്രസിഡന്റ് എം. ലിജു എന്നിവര് ഉള്പ്പെടെയുള്ളവര് ബഹളം ഉണ്ടാക്കിയെങ്കിലും പോലീസ് കേസ് ചാര്ജ് ചെയ്യുകയായിരുന്നു.
ഈയാളെ കൂടാതെ കോണ്ഗ്രസുകാരനായ പുറക്കാട് പുന്തല പടിഞ്ഞാറെ ചെല്ലിയില് വീട്ടില് ബിജു ( 44) വിനെയും പോലീസ് പിടികൂടി. കോണ്ഗ്രസുകാര് നടത്തിയ അക്രമത്തില് അമ്പലപ്പുഴ സി.ഐ. ബിജു വി. നായര്, എസ്ഐ പ്രതിഷ്കുമാര് ഉള്പ്പെടെ നാലുപോലീസുകാര്ക്ക് പരിക്കേറ്റിരുന്നു.
ബോധപൂര്വ്വം അക്രമം നടത്തിയതിനും പോലീസിന്റെ ഔദ്യോഗിക കൃത്യനിര്വ്വഹണം തടസ്സപ്പെടുത്തിയതിനും കോണ്ഗ്രസിന്റെയും യുഡിഎഫിന്റെയും പ്രാദേശിക നേതാക്കള് ഉള്പ്പെടെ 15 പേര്ക്കെതിരെ കേസെടുത്തിട്ടുണ്ട്.പ്രതികളെ ഉടന് പിടികൂടുമെന്നും സിഐ പറഞ്ഞു.
പ്രതികരിക്കാൻ ഇവിടെ എഴുതുക: