രാമനാട്ടുകര: ഭാരതീയ വിദ്യാ നികേതന് ജില്ലാ സ്കൂള് ശാസ്ത്രമേളയില് നന്മണ്ട സരസ്വതി വിദ്യാമന്ദിറിന് ഓവറോള് കിരീടം. ഹൈസ്കൂള്, എല്പി വിഭാഗങ്ങളില് ഒന്നാം സ്ഥാനവും യുപി വിഭാഗത്തില് രണ്ടാം സ്ഥാനവും നേടിയാണ് സരസ്വതി നന്മണ്ട ഓവറോള് കിരീടം ചൂടിയത്.
ഹൈസ്കൂള് വിഭാഗത്തില് പറമ്പത്ത് അമൃത ഭാരതി കേന്ദ്രീയ വിദ്യാലയം രണ്ടാം സ്ഥാനവും മലാപ്പറമ്പ് വേദവ്യാസ വിദ്യാലയം മൂന്നാം സ്ഥാനവും നേടി. യുപി വിഭാഗത്തില് മണ്ണൂര് സരസ്വതി വിദ്യാനികേതന് ഒന്നാം സ്ഥാനവും മലാപ്പറമ്പ് വേദവ്യാസ വിദ്യാലയം മൂന്നാം സ്ഥാനവും നേടി. എല്പി വിഭാഗത്തില് പയ്യോളി അമൃതഭാരതി വിദ്യാനികേതന് രണ്ടാം സ്ഥാന വും കൊളത്തൂര് ശ്രീശങ്കര വിദ്യാലയം മൂന്നാം സ്ഥാ നവും നേടി.
നിവേദിത വിദ്യാപീഠത്തില് നടന്ന സമാപന സമ്മേളനം ഭാരതീയ വിദ്യാനികേതന് ജില്ലാ പ്രസിഡണ്ട് പി. ശങ്കരന് മാസ്റ്ററുടെ അധ്യക്ഷതയില് വി.കെ.സി. മമ്മദ്കോയ എംഎല്എ ഉദ്ഘാടനം ചെയ്തു. നൂറു ശതമാനം സാക്ഷരതയുള്ള സംസ്ഥാനമായി കേരളം ഉയര്ന്നിട്ടുണ്ടെങ്കിലും പല മേഖലകളിലും നാം ഇപ്പോഴും പിന്നിലാണ്.
മക്കളെ ഡോക്ടറും എഞ്ചിനീയറുമായി കാണാനാണ് എല്ലാവരും ആഗ്രഹിക്കുന്നത്. കേരളത്തിലെ ഉന്നത ഉദ്യോഗസ്ഥരില് നല്ലൊരു ശതമാനമും കേരളത്തിനുപുറത്ത് നിന്നുള്ളവരാണ്. നമുക്കാവശ്യമായ രീതിയിലുള്ള വിദ്യാഭ്യാസമാണ് വേണ്ടത്. അതിനനുസൃതമായ മാറ്റം വിദ്യാഭ്യാസരംഗത്ത് ഉണ്ടായേ തീരുവെന്നും വി.കെ.സി. മമ്മദ്കോയ കൂട്ടിച്ചേര്ത്തു.
ഫോട്ടോഗ്രാഫര്മാരായ ജോണ് ആന്ഡ്രു വാര്ബര്ട്ടണ്, ഗെയ്ല് വാര്ബര്ട്ടണ് (ലണ്ടന്) എന്നിവര് വിശിഷ്ടാതിഥികളായിരുന്നു. ഗൂഗിള് ഹാള് ഓഫ് ഫ്രെയിം ആയി തെരഞ്ഞെടുക്കപ്പെട്ട പൂര്വ്വ വിദ്യാര്ത്ഥി പി. ഹരിപ്രസാദിനെ അനുമോദിച്ചു.
തോട്ടുങ്ങല് റസിഡന്സ് അസോസിയേഷന് സെക്രട്ടറി ജനാര്ദ്ദനന്, നിവേദിത വിദ്യാ പീഠം ഹെഡ്മാസ്റ്റര് സി.കെ. വേലായുധന്, ഭാരതീയ വിദ്യാ നികേതന് ജില്ലാ ശാസ്ത്രമേള പ്രമുഖ് ഡോ. ചെറുവാച്ചേരി രാധാകൃഷ്ണന്, മാതൃഭാരതി സങ്കുല് പ്രസിഡണ്ട് കെ. സീന, മാതൃഭാരതി രക്ഷാധികാരി പി. ശ്രീജ, മാതൃഭാരതി സ്കൂള് പ്രസിഡണ്ട് ജെസ്സി സതീഷ് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: