കണ്ണൂര്: കേരള ഫോക്ലോര് അക്കാദമി 2016 വര്ഷത്തെ നാടന് കലാകാരന്മാര്ക്കുള്ള ഫെല്ലോഷിപ്പിന് അപേക്ഷ ക്ഷണിച്ചു. നാടന് കലാരംഗത്ത് തനതായ പ്രാഗത്ഭ്യം തെളിയിച്ചിട്ടുള്ളവരും മുന് വര്ഷങ്ങളില് അക്കാദമിയുടെ അവാര്ഡിന് അര്ഹരായവരുമായ നാടന് കലാകാരന്മാര്ക്ക് അപേക്ഷ സമര്പ്പിക്കാം. വെള്ളക്കടലാസില് തയ്യാറാക്കുന്ന അപേക്ഷയോടൊപ്പം കലാകാരനാണെന്ന് തെളിയിക്കുന്ന കോര്പ്പറേഷന്/മുനിസിപ്പല്/ഗ്രാമപഞ്ചായത്ത് പ്രസിഡണ്ടിന്റെ സാക്ഷ്യപത്രം, വയസ്സ് തെളിയിക്കുന്ന സര്ട്ടിഫിക്കറ്റ്, കലാരംഗത്തെ പ്രാഗത്ഭ്യം തെളിയിക്കുന്ന സര്ട്ടിഫിക്കറ്റ്, അക്കാദമിയുടെ അവാര്ഡ് നേടിയത് സംബന്ധിച്ച വിശദാംശങ്ങള്, മൂന്ന് പാസ്പോര്ട്ട് സൈസ് ഫോട്ടോകള്, ബന്ധപ്പെടാനുള്ള ഫോണ് നമ്പര് എന്നിവ നിര്ബന്ധമായും ഉണ്ടാകണം.
കേരള ഫോക്ലോര് അക്കാദമി 2016-വര്ഷത്തെ നാടന് കലാകാരന്മാര്ക്കുള്ള അവാര്ഡിനും അപേക്ഷ ക്ഷണിച്ചു. നാടന് കലാരംഗത്ത് തനതായ പ്രാഗത്ഭ്യം തെളിയിച്ചിട്ടുള്ള നാടന് കലാകാരന്മാര്ക്ക് അപേക്ഷ സമര്പ്പിക്കാം. വെള്ളക്കടലാസില് തയ്യാറാക്കുന്ന അപേക്ഷയോടൊപ്പം നാടന് കലാകാരനാണെന്ന് തെളിയിക്കുന്ന കോര്പ്പറേഷന്/മുനിസിപ്പല്/ഗ്രാമപഞ്ചായത്ത് പ്രസിഡണ്ടിന്റെ സാക്ഷ്യപത്രം, വയസ്സ് തെളിയിക്കുന്ന സര്ട്ടിഫിക്കറ്റ്, കലാരംഗത്തെ പ്രാഗത്ഭ്യം തെളിയിക്കുന്ന സര്ട്ടിഫിക്കറ്റ്, മൂന്ന് പാസ്പോര്ട്ട് സൈസ് ഫോട്ടോകള്, ബന്ധപ്പെടാനുള്ള ഫോണ് നമ്പര് എന്നിവ നിര്ബന്ധമായും ഉണ്ടാകണം.
നാടന്കലകളെ ആധാരമാക്കി രചിക്കപ്പെട്ടതും ഉന്നതനിലവാരം പുലര്ത്തുന്നതുമായ പഠന ഗവേഷണ ഗ്രന്ഥങ്ങള്ക്ക് കേരള ഫോക്ലോര് അക്കാദമി അവാര്ഡുകള് നല്കുന്നു. 2014, 2015, 2016 വര്ഷങ്ങളില് ഒന്നാം പതിപ്പായി പ്രസിദ്ധീകരിക്കപ്പെട്ട ഗ്രന്ഥങ്ങളായിരിക്കും അവാര്ഡിന് പരിഗണിക്കപ്പെടുന്നത്. ഗ്രന്ഥകാരന്മാര്ക്കും പുസ്തക പ്രസാധകര്ക്കും പുസ്തകങ്ങള് പരിഗണനക്ക് സമര്പ്പിക്കാം. വായനക്കാര്ക്കും മികച്ച ഗ്രന്ഥങ്ങള് നിര്ദ്ദേശിക്കാം. അപേക്ഷയോടൊപ്പം പുസ്തകങ്ങളുടെ നാല് കോപ്പികളും മൂന്ന് പാസ്പോര്ട്ട് സൈസ് ഫോട്ടോകളും അയക്കേണ്ടതാണ്. ഗ്രന്ഥകാരന്റെ ഫോണ് നമ്പറും വിലാസവും പുസ്തകത്തോടൊപ്പം വേക്കേണ്ടതാണ്.
കേരള ഫോക്ലോര് അക്കാദമി 2016 വര്ഷത്തെ യുവനാടന് കലാകാരന്മാര്ക്കുള്ള അവാര്ഡിന് അപേക്ഷ ക്ഷണിച്ചു. നാടന് കലാരംഗത്ത് തനതായ പ്രാഗത്ഭ്യം തെളിയിച്ചിട്ടുള്ള യുവനാടന് കലാകാരന്മാര്ക്ക് അപേക്ഷ സമര്പ്പിക്കാം. വെള്ളക്കടലാസില് തയ്യാറാക്കുന്ന അപേക്ഷയോടൊപ്പം കലാകാരനാണെന്ന് തെളിയിക്കുന്ന കോര്പ്പറേഷന്/മുനിസിപ്പല്/ഗ്രാമപഞ്ചായത്ത് പ്രസിഡണ്ടിന്റെ സാക്ഷ്യപത്രം, വയസ്സ് തെളിയിക്കുന്ന സര്ട്ടിഫിക്കറ്റ്, കലാരംഗത്തെ പ്രാഗത്ഭ്യം തെളിയിക്കുന്ന സര്ട്ടിഫിക്കറ്റ്, മൂന്ന് പാസ്പോര്ട്ട് സൈസ് ഫോട്ടോകള്, ബന്ധപ്പെടാനുള്ള ഫോണ് നമ്പര് എന്നിവ നിര്ബന്ധമായും ഉണ്ടാകണം. അപേക്ഷിക്കാനുള്ള പ്രായപരിധി 18 നും 40 നും മധ്യേ.
അപേക്ഷകള് 2017 നവംബര് 20 നുള്ളില് സെക്രട്ടറി, കേരള ഫോക്ലോര് അക്കാദമി, പിഒ. ചിറക്കല്, കണ്ണൂര്-670011 എന്ന വിലാസത്തില് ലഭിക്കണം. വ്യക്തികള്ക്കും സംഘടനകള്ക്കും കലാകാരന്മാരെ നിര്ദ്ദേശിക്കാം. ഫോണ്: 04972778090.
പ്രതികരിക്കാൻ ഇവിടെ എഴുതുക: