ചേര്ത്തല: കഞ്ചാവും മാന്കൊമ്പുകളുമായി രണ്ട് യുവാക്കളെ എക്സൈസ് പിടികൂടി. കുത്തിയതോട് രണ്ടാം വാര്ഡില് കമലാലയം വീട്ടില് ഗോവിന്ദ്(20), തുറവൂര് 16-ാം വാര്ഡില് പടിഞ്ഞറെ തരിശില് ആര്യസിങ്കന്(27) എന്നിവരാണ് പിടിയിലായത്.
ചേര്ത്തല ഗാന്ധിബസാര് ഷോപ്പിങ് കോംപ്ലക്സ് പരിസരത്തുനിന്നാണ് പിടികൂടിയത്. ഇവരില്നിന്നും 18 ഗ്രാം കഞ്ചാവ് പിടിച്ചെടുത്തു.
രണ്ട് ബൈക്കും മൊബൈല്ഫോണും എക്സൈസ് കസ്റ്റഡിയിലെടുത്തു. തുടര്ന്ന് ഗോവിന്ദിന്റെ വീട് പരിശോധിച്ചപ്പോഴാണ് മാന്കൊമ്പുകള് ലഭിച്ചത്. കലവൂര് ഭാഗത്തുനിന്നാണ് കഞ്ചാവ് ലഭിക്കുന്നതെന്ന് ഇവര് പറഞ്ഞു.
വയനാട് മുത്തങ്ങയിലെ സൃഹൃത്ത് സമ്മാനിച്ചതാണ് മാന്കൊമ്പുകളെന്നാണ് ഗോവിന്ദിന്റെ വെളിപ്പെടുത്തല്. തുടരന്വേഷണത്തിന് വനംവകുപ്പ് റാന്നി റേഞ്ചിന് കൊമ്പുകള് കൈമാറുമെന്ന് എക്സൈസ് അധികൃതര് പറഞ്ഞു.
എക്സൈസ് സിഐ ടി.എല് ഷിബു, ഇന്സ്പെക്ടര് ജസ്റ്റിന്, പ്രിവന്റീവ് ഓഫീസര് സുരേഷ്, സിവില് എക്സൈസ് ഓഫീസര്മാരായ സന്തോഷ്, അനിലാല്, രാജീവ്, മായാജി എന്നിവരടങ്ങിയ സംഘമാണ് പ്രതികളെ പിടികൂടിയത്.
പ്രതികരിക്കാൻ ഇവിടെ എഴുതുക: