പാലാ: സംസ്ഥാന സ്കൂള് അത്ലറ്റിക് മീറ്റിന്റെ ചരിത്രത്തിലെ ഏറ്റവും പഴക്കമേറിയ റെക്കോഡുകളിലൊന്ന് പഴങ്കഥയാക്കി തിരുവനന്തപുരം സായിയുടെ അഭിനവ്. സി്. അവസാന ദിനത്തെ സൂപ്പര്താരമായി. ജൂനിയര് ആണ്കുട്ടികളുടെ 200 മീറ്ററില് 31 വര്ഷം പഴക്കമുള്ള റെക്കോഡാണ് അഭിനവിന്റെ മിന്നല്പ്പിണര് വേഗത്തില് ഇല്ലാതായത്. പെണ്കുട്ടികളുടെ ഇതേ ഇനത്തില് നാട്ടിക ഫിഷറിസ് എച്ച്എസ്എസിലെ ആന്സി സോജനും നിലവിലെ റെക്കോഡ് തകര്ത്തു .
1986-ല് ജി.വി. രാജ സ്പോര്ട്സ് സ്കൂളിന്റെ സജി പി.എസ് സ്ഥാപിച്ച 22.4 സെക്കന്ഡിന്റെ റെക്കോഡാണ് അമലിന്റെ കുതിപ്പില്പഴങ്കഥയായത്. 22.28 സെക്കന്ഡിലായിരുന്നു ഈ മിടുക്കന്റെ പ്രകടനം. ജൂനിയര് പെണ്കുട്ടികളില് 2013-ല് ജിസ്ന മാത്യു സ്ഥാപിച്ച 25.22സെക്കന്ഡിന്റെ റെക്കോഡാണ് ആന്സിയുടെ കുതിപ്പില് പഴങ്കഥയായത്. 25.13 സെക്കന്ഡില് പറന്നെത്തിയാണ് ആന്സി സ്പ്രിന്റ് ഡബിളിന് അവകാശിയായത്. മലപ്പുറം കടകശ്ശേരി ഐഡിയല് സ്കൂളിന്റെ പി.ഡി. അഞ്ജലി 25.57 സെക്കന്ഡിലും ഭരണങ്ങാനം സ്പോര്ട്സ് ഹോസ്റ്റല് സ്കൂളിന്റെ ആന് റോസ് ടോമി 25.99 സെക്കന്ഡിലും അവസാനവരകടന്നു. നൂറിലും ഇരുന്നൂറിലും സീനിയര് പെണ്കുട്ടികളേക്കാള് മികച്ച സമയമാണ് ആന്സി കുറിച്ചത്.
സീനിയര് പെണ്കുട്ടികളില് പുല്ലൂരാംപാറ സ്കൂളിന്റെ അപര്ണ്ണ റോയി സ്പ്രിന്റ് ഡബിള് തികച്ചു. 25.59 സെക്കന്ഡില് അപര്ണ 200 മീറ്ററില് അവസാനവരകടന്ന് സ്പ്രിന്റ് ഡബിളിന് അര്ഹയായി. സായി തിരുവനന്തപുരത്തിന്റെ കെ.എം.നിഭ 25.80 സെക്കന്ഡില് വെള്ളിയും ആലപ്പുഴ ചാരമംഗലം സ്കൂളിന്റെ ജി. രേഷ്മ 26.05 സെക്കന്ഡില് വെങ്കലവുംനേടി. സീനിയര് ആണ്കുട്ടികളില് 22.22 സെക്കന്ഡില് പറന്നെത്തിയാണ് പറളി സ്കൂളിന്റെ ടി.പി. അമല് പെന്നണിഞ്ഞത്.മണ്ണൂത്തി ഡോണ് ബോസ്കോ സ്കൂളിന്റെ അശ്വിന് എസ്. ശങ്കര് 22.32സെക്കന്ഡില് വെള്ളിയും പാലക്കാട് കല്ലടി സ്കൂളിന്റെ മുഹമ്മദ് മുര്ഷിദ് 22.50 സെക്കന്ഡില് വെങ്കലവും നേടി.
സബ്ജൂനിയര് പെണ്കുട്ടികളില് കോതമംഗലം മാര്ബേസിലിന്റെ പി. അഭിഷ (27.27 സെ.) സ്വര്ണ്ണവും പുല്ലൂരാംപാറ സെന്റ്—ജോസഫ്സ് സ്കൂളിന്റെ സാനിയ തെരേസ ടോമി (27.39 സെ.) വെള്ളിയും നേടി.കോട്ടയം ഭരണങ്ങാനം സ്പോര്ട്സ് കൗണ്സില് ഹോസ്റ്റല് താരം ജൂബി ജേക്കബിനാണ് വെങ്കലം. ഇതേ വിഭാഗം ആണ്കുട്ടികളില് പാലക്കാട് ചിറ്റിലഞ്ചേരി എംഎന്കെഎംഎച്ച്എസ്എസിലെ എം. മുഹമ്മദ് ഫസല് 24.94 സെക്കന്ഡില് പറന്നെത്തി പൊന്നണിഞ്ഞു. ചാത്തേടം സെന്റ് ജോസഫ്സ് സ്കൂളിലെ സി.എ. ഫ് ളെമിങ് ജോസ് 25.38 സെക്കന്ഡില് വെള്ളി നേടി. നൂറുമീറ്ററില് ഫൗള് സ്റ്റാര്ട്ടില്പുറത്തായ ഫ്ളെമിങ്ങിന് 200 മീറ്ററിലെ സ്വര്ണ്ണനേട്ടം ആശ്വാസമായി. പാലക്കാട് മലമ്പുഴ ആശ്രമം ഹൈസ്കൂളിന്റെ എം. ബേബി 25.55 സെക്കന്ഡില് വെങ്കലംനേടി.
പ്രതികരിക്കാൻ ഇവിടെ എഴുതുക: