തിരുവനന്തപുരം: സയന്സും മാജിക്കും വിസ്മയങ്ങള് തീര്ക്കുന്ന മെന്ലോ പാര്ക്ക് ഇന്ന് വൈകുന്നേരം 3ന് മാജിക് പ്ലാനറ്റില് മിഴിതുറക്കും. ശാസ്ത്രഭവനും മാജിക് അക്കാദമിയും സംയുക്തമായി ഒരുക്കുന്ന മെന്ലോ പാര്ക്കിന്റെ ഉദ്ഘാടനം ധനമന്ത്രി തോമസ് ഐസക് ഉദ്ഘാടനം ചെയ്യും. സംവിധായകനും മാജിക് അക്കാദമി രക്ഷാധികാരിയുമായ അടൂര് ഗോപാലകൃഷ്ണന് അദ്ധ്യക്ഷത വഹിക്കുന്ന ചടങ്ങില് ഡബ്ലിയു 5ന്റെ ഉദ്ഘാടനം മേയര് വി. െപ്രശാന്ത് നിര്വഹിക്കും. യുണിസെഫ് റിസോഴ്സ് മൊബിലൈസേഷന് ചീഫ് ക്രിസ്റ്റീന് എഡിയര് മുഖ്യാതിഥിയാകും. ശാസ്ത്രഭവന് മെമ്പര് സെക്രട്ടറി ഡോ.എസ്.പ്രദീപ് കുമാര്, ഡോ.സി.പി.അരവിന്ദാക്ഷന്, മാജിക് അക്കാദമി എക്സിക്യൂട്ടീവ് ഡയറക്ടര് ഗോപിനാഥ് മുതുകാട്, ഡയറക്ടര് ചന്ദ്രസേനന് മിതൃമ്മല തുടങ്ങിയവര് പങ്കെടുക്കും.
ശാസ്ത്രവും ഇന്ദ്രജാലവും കൈകോര്ക്കുന്ന നിരവധി അത്ഭുതങ്ങളാണ് മെന്ലോ പാര്ക്കില് ക്രമീകരിച്ചിരിക്കുന്നത്. കുട്ടികള്ക്ക് പരീക്ഷിച്ചു നോക്കാവുന്ന തരത്തില് രസകരമായ രീതിയില് ഒരുക്കിയിരിക്കുന്ന പത്തോളം വിഭാഗങ്ങളാണ് മെന്ലോ പാര്ക്കിന്റെ ഉള്ളടക്കം. ശാസ്ത്ര സംബന്ധിയായ പഠനം നടത്തുന്നവര്ക്കും ഗവേഷണ വിദ്യാര്ത്ഥികള്ക്കും ഏറെ പ്രയോജനകരമായി രീതിയിലാണ് മെന്ലോ പാര്ക്കിലെ മാന്ത്രികന് എന്നറിയപ്പെടുന്ന എഡിസന്റെ സ്മരണാര്ത്ഥം മെന്ലോ പാര്ക് വിഭാവനം ചെയ്തിരിക്കുന്നത്. തോമസ് ആല്വ എഡിസണ്, ആല്ബര്ട്ട് ഐന്സ്റ്റീന്, മാഡം ക്യൂറി, ഐസക് ന്യൂട്ടന്, സി.വി.രാമന്, ആര്ക്കിമിഡീസ് തുടങ്ങിയ ശാസ്ത്രജ്ഞരുടെ കണ്ടുപിടിത്തങ്ങളും അവരുടെ ജീവചരിത്രത്തിലെ കാണാപ്പുറങ്ങളും മെന്പാര്ക്കില് ദര്ശിക്കുവാന് കഴിയും.
പ്രതികരിക്കാൻ ഇവിടെ എഴുതുക: