ചങ്ങനാശേരി: പെരുന്ന ശ്രീ സുബ്രഹ്മണ്യസ്വാമിക്ഷേത്രത്തിലെ സ്കന്ദഷഷ്ഠി സംഗീതോത്സവത്തോടനുബന്ധിച്ച് നല്കുന്ന രാഗലയസംഗീത പുരസ്കാരത്തിന് പ്രശസ്ത വയലില് വാദകന് തൃക്കൊടിത്താനം ശ്രീരാജ് അര്ഹനായി.പതിനെട്ടാമത് സ്കന്ദഷഷ്ഠി സംഗീതോത്സവത്തില് എന്.എസ്.എസ്.നായകസഭാംഗം ഹരികുമാര് കോയിക്കല് തൃക്കൊടിത്താനം ശ്രീരാജിന് പുരസ്കാരം നല്കും. എന്.പി.കൃഷ്ണകുമാര് അധ്യക്ഷത വഹിക്കും. 26ന് രാവിലെ നടക്കുന്ന സ്കന്ദഷഷ്ഠി സംഗീതോത്സവവും ഹരികുമാര് കോയിക്കല് ഉദ്ഘാടനം ചെയ്യും. 9.30 മുതല് പഞ്ചരത്നകീര്ത്താനാലാപനവുമുണ്ട്.തുടര്ന്ന് വൈകിട്ട് അഞ്ചുവരെ സംഗീതവാദ്യാകലാകാരന്മാരുടെ നേതൃത്വത്തില് സംഗീതാരാധനയും നടക്കും.പരിപാടികള്ക്ക് മൃദംഗകലാകാരന് ടി.എസ്.സതീഷ്കുമാര് നേതൃത്വം നല്കും.
പ്രതികരിക്കാൻ ഇവിടെ എഴുതുക: