കുട്ടനാട്: തോമസ് ചാണ്ടി മന്ത്രി സ്ഥാനം രാജിവയ്ക്കണം എന്നാവശ്യപ്പെട്ട് ബിജെപി ജില്ലാ കമ്മിറ്റി നെടുമുടി പുപ്പള്ളിയില് ഏകദിന സത്യഗ്രഹ സമരം നടത്തി. സംസ്ഥാന ജനറല് സെക്രട്ടറി കെ. സുരേന്ദ്രന് ഉദ്ഘാടനം ചെയ്തു.
ആരോപണ വിധേയനായ മന്ത്രി തോമസ് ചാണ്ടിയെ സംരക്ഷിക്കുന്നതിലൂടെ ജനജാഗ്രതയല്ല പണജാഗ്രതയാണ് സിപിഎമ്മിന്റെ മുഖമുദ്രയെന്ന് തെളിയിക്കപ്പെട്ടിരിക്കുകയാണെന്ന് കെ. സുരേന്ദ്രന് കുറ്റപ്പെടുത്തി.
ഇ.പി. ജയരാജന് വിഷയത്തില് കാണിച്ച നീതിബോധം എന്ത് കൊണ്ട് തോമസ് ചാണ്ടിയുടെ വിഷയത്തില് സ്വീകരിക്കുന്നില്ല എന്ന് വിശദീകരിക്കുവാന് മുഖ്യമന്ത്രി തയ്യാറാകണം. ഭൂമി കയ്യേറ്റ വിഷയങ്ങളില് റവന്യൂ മന്ത്രിക്കും സിപിഐക്കും യാതൊരു ആത്മാര്ത്ഥതയുമില്ലെന്ന് സുരേന്ദ്രന് ആരോപിച്ചു.ജില്ലാ പ്രസിഡന്റ് കെ.സോമന് അദ്ധ്യക്ഷനായി.
മേഖലാ പ്രസിഡന്റ് വെള്ളിയാകുളം പരമേശ്വരന്, ജില്ലാ ജനറല് സെക്രട്ടറിമാരായ ഡി. അശ്വനീ ദേവ്, എം.വി. ഗോപകുമാര്, ജില്ലാ വൈസ്പ്രസിഡന്റുമാരായ പി.കെ. വാസുദേവന്, കൊട്ടാരം ഉണ്ണികൃഷ്ണന്, പാലമുറ്റത്ത് വിജയകുമാര്, ഡി. പ്രദീപ്, ജില്ലാ ട്രഷറര് കെ.ജി. കര്ത്ത, ജില്ലാ സെക്രട്ടറിമാരായ ടി. സജീവ് ലാല്, എല്.പി. ജയചന്ദ്രന്, ഗീതാ രാംദാസ്, ശ്യാമള കൃഷ്ണകുമാര്, സുമി ഷിബു, പട്ടികജാതി മോര്ച്ച സംസ്ഥാന ജനറല് സെക്രട്ടറി സി.എ. പുരുഷോത്തമന്, മോര്ച്ച പ്രസിഡന്റുമാരായ ശാന്തകുമാരി, കെ. ബി. ഷാജി., മണ്ഡലം പ്രസിഡന്റുമാരായ ഡി. പ്രസന്നകുമാര്, വി. ശ്രീജിത്ത്, പെരുമ്പളം ജയകുമാര്, ജി. വിനോദ്കുമാര്, കെ.എസ്. വിനോദ്, സജു ഇടക്കല്ലില് സംസ്ഥാന സമിതി അംഗങ്ങളായ ടി.കെ. അരവിന്ദാക്ഷന്, അഡ്വ. ടി.ഒ. നൗഷാദ്, എ.കെ. ദാമോദരന്, എം.ആര് സജീവ്, ജയചന്ദ്രന് പിള്ള, മണിക്കുട്ടന് ചേലേക്കാട്, കെ.ബി. ഷാജി തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: