ആലപ്പുഴ: നിയമ ലംഘനങ്ങളും, അക്രമവും നടത്തി ഇനി പെട്ടെന്ന് രക്ഷപ്പെടാമെന്ന് ആരും കരുതേണ്ട. നഗരത്തിലെ ഓരോ ചലനവും പോലീസ് കാണുന്നുണ്ടാവും. നഗരത്തില് മാത്രം 50 ക്യാമറ സ്ഥാപിക്കാന് പോലീസിന് സഹായ വാഗ്ദാനവുമായി നഗരസഭയും എത്തിയതോടെ ജില്ലയില് പുതുതായി 100 ക്യാമറകള് സ്ഥാപിക്കുമെന്ന് പോലീസ് മേധാവി പറഞ്ഞു.
നിലവില് നാമമാത്ര ക്യാമറകളെ പോലീസിന്റെതായി ജില്ലയില് ഉള്ളൂ. അവയില് പലതും പ്രവര്ത്തന രഹിതവുംമാണ്. കുറ്റകൃത്യം നടന്നാല് പലപ്പോഴും പോലീസിന് സഹായകരമാകുന്നത് സ്വകാര്യ സ്ഥാപനങ്ങളുടെ ക്യാമറകളാണ്. ജില്ലയിലെ എല്ലാ പോലിസ് സ്റ്റേഷന് പരിധിയിലും 5 ക്യാമറകള് വീതം സ്ഥാപിക്കാനാണ് പോലീസ് ലക്ഷ്യമിടുന്നത്. എംഎല്എ ഫണ്ടും,സന്നദ്ധ സംഘടനകളുടെയോ,തദേശ സ്ഥാപനങ്ങളുടെയോ സഹായം സ്വികരിച്ച് കൂടുതല് ക്യാമറകള് സ്ഥാപിക്കുന്ന കാര്യവും ആലോചിക്കും.
നഗരസഭ 50 ക്യാമറ നല്കുമെന്ന് നഗരസഭാധ്യക്ഷന് തോമസ് ജോസഫ് പറഞ്ഞു. സൗത്ത്,നോര്ത്ത് പോലീസ് സ്റ്റേഷന് പരിധിയിലാണ് സ്ഥാപിക്കുക. ഇതോടെ നഗരത്തിലെ അക്രമികളെ കയ്യോടെ പടികൂടാന് കഴിയുമെന്നും ചെയര്മാന് പറഞ്ഞു.
പ്രതികരിക്കാൻ ഇവിടെ എഴുതുക: