തിരുവനന്തപുരം: കേരളത്തിന്റെ ഭാവി റെയില്വേ വികസന പദ്ധതികള്ക്ക് അംഗീകാരം.
നിരവധി വര്ഷങ്ങളായി കേരളം ഉന്നയിച്ച സ്വപ്നപദ്ധതികള്ക്കാണ് റെയില്വേ ബോര്ഡ് തത്വത്തില് അംഗീകാരം നല്കിയത്. മുഖ്യമന്ത്രി പിണറായി വിജയനും റെയില്വേ ബോര്ഡ് ചെയര്മാന് അശ്വനി ലൊഹാനിയും തമ്മില് വെളളിയാഴ്ച നടന്ന ചര്ച്ചയിലാണ് തീരുമാനങ്ങള്.
1 തിരുവനന്തപുരം മുതല് കാസര്കോട് വരെ നിലവിലുളള ഇരട്ടപ്പാതയ്ക്ക് സമാന്തരമായി മൂന്നാമത്തെയും നാലാമത്തെയും പാത നിര്മിക്കും.
2 നേമം ടെര്മിനല് പദ്ധതി നടപ്പാക്കും,.
3 അതിവേഗ തീവണ്ടികള്ക്ക് പകരം നിര്ദിഷ്ട പാതകളില് സെമി സ്പീഡ് ട്രെയിനുകള് പരിഗണിക്കും. ഇതിനുള്ള സര്വെക്ക് നിര്ദ്ദേശിച്ചു.
4 തിരുവനന്തപുരം – കാസര്കോട് മേഖലയില് പുതിയ പാതകള് പണിയാന് സംസ്ഥാന സര്ക്കാര് നിര്ദേശിച്ചു. ഇതിന് റെയില്വേയുമായി ചേര്ന്ന് കേരളംമുതല് മുടക്കും.
5 ശബരി പാതയെ ബന്ധിപ്പിക്കുന്ന എരുമേലി – പുനലൂര് പാത പരിഗണിക്കും. 65 കി.മീറ്ററാണ് ദൂരം. ചെലവ് 1,600 കോടി രൂപ.
6 ശബരി പാതയെ ബന്ധിപ്പിക്കുന്ന ഏറ്റുമാനൂര് – പാല (15 കി. മീറ്റര്) ലൈനും പരിഗണിക്കും.
7ബാലരാമപുരം – വിഴിഞ്ഞം അന്താരാഷ്ട്ര തുറമുഖ പ്പാത, കൊച്ചി അന്താരാഷ്ട്ര വിമാനത്താവളത്തിലേക്ക് പുതിയ പാത (10 കി.മീറ്റര്), എറണാകുളത്ത് റെയില്വേ ടെര്മിനസ് എന്നീ പദ്ധതികളും കേരളം മുന്നോട്ടുവച്ചു. തിരുവനന്തപുരം, എറണാകുളം, വര്ക്കല സ്റ്റേഷനുകളുടെ വികസനത്തിന് പ്രോജക്ട് റിപ്പോര്ട്ട് തയ്യാറാക്കാനും തീരുമാനമായി.
ശബരി പാതയുടെ ചെലവ് റെയില്വേ വഹിക്കണമെന്നും പുതിയ പദ്ധതികളുടെ പകുതി ചെലവ് കേരളം വഹിക്കാമെന്നും സര്ക്കാര് പറഞ്ഞു. അങ്കമാലി – ശബരി, ഗുരുവായൂര് – തിരുനാവായ, എറണാകുളം – അമ്പലപ്പുഴ ഇരട്ടിപ്പിക്കല് എന്നീ പ്രവൃത്തികള് വേഗത്തില് തീര്ക്കുന്നതിന് ആവശ്യമായ ഫണ്ട് അനുവദിക്കണമെന്നും സര്ക്കാര് ആവശ്യപ്പെട്ടു. പാലക്കാട് റെയില്വേ കോച്ച് ഫാക്ടറിക്കായി ഏറ്റെടുത്ത സ്ഥലത്ത് ഉടന് പദ്ധതി നടപ്പാക്കുമെന്ന് ചെയര്മാന് പറഞ്ഞു.
യോഗത്തില് റെയില്വേയുടെ ചുമതലയുളള മന്ത്രി ജി. സുധാകരന്, ചീഫ് സെക്രട്ടറി കെ.എം. അബ്രഹാം, ഗതാഗത സെക്രട്ടറി ജ്യോതിലാല്, തൊഴില് വകുപ്പ് അഡീഷണല് ചീഫ് സെക്രട്ടറി ടോം ജോസ്, വനം അഡീഷണല് ചീഫ് സെക്രട്ടറി ജെയിംസ് വര്ഗീസ്, ധനവകുപ്പ് സെക്രട്ടറി മനോജ് ജോഷി. മുഖ്യമന്ത്രിയുടെ പ്രിന്സിപ്പല് സെക്രട്ടറി (കോ-ഓര്ഡിനേഷന്) വി.എസ്. സെന്തില്, സതേണ് റെയില്വേ ജനറല് മാനേജര് സുധാംശു മണി, ഡിവിഷണല് റെയില്വേ മാനേജര് പ്രകാശ് ബുട്ടാണി തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: