കണ്ണൂര്: ഇന്ഫര്മേഷന് പബ്ലിക് റിലേഷന്സ് വകുപ്പും ജില്ലാ ഭരണകൂടവും കേരളപ്പിറവി ദിനവും ഔദ്യോഗിക ഭാഷ വാരാഘോഷവും വിപുലമായ പരിപാടികളോടെ സംഘടിപ്പിക്കും. കേരളപ്പിറവി ദിനമായ നവംബര് ഒന്നിന് പരിപാടിയുടെ ജില്ലാതല ഉദ്ഘാടനം കലക്ടറേറ്റ് കോണ്ഫറന്സ് ഹാളില് നടക്കും. രാവിലെ 11 മണി സിവില്സ്റ്റേഷനിലെ മുഴുവന് ജീവനക്കാരും മലയാളദിന പ്രതിജ്ഞയെടുക്കും. തുടര്ന്ന് ജില്ലാ കലക്ടര് മീര് മുഹമ്മദലിയുടെ അധ്യക്ഷതയില് നടക്കുന്ന ചടങ്ങില് പ്രശസ്ത സിനിമ സംവിധായകന് പ്രിയനന്ദനന് മുഖ്യാതിഥിയായി സംബന്ധിക്കും. ഗാന്ധിജയന്തി വാരാഘോഷത്തിന്റെ ഭാഗമായി ഇന്ഫര്മേഷന് പബ്ലിക് റിലേഷന്സ് വകുപ്പ് കോളേജ് വിദ്യാര്ഥികള്ക്കായി സംഘടിപ്പിച്ച ഡിബേറ്റ് മത്സരത്തില് വിജയികളായ സംഘങ്ങള്ക്ക് ചടങ്ങില് സമ്മാനങ്ങള് വിതരണം ചെയ്യും.
ജില്ലാ ലൈബ്രറി കൗണ്സിലുമായി ചേര്ന്ന് സംഘടിപ്പിക്കുന്ന നവോത്ഥാന സിനിമ ഫെസറ്റിവല് നവംബര് ഒന്നിന് ആരംഭിക്കും. വൈകിട്ട് ആറ് മണിക്ക് ടൗണ്സ്ക്വയറില് നടക്കുന്ന ചടങ്ങില് ്രപശസ്ത സിനിമ സംവിധായകന് പ്രിയനന്ദനന് സിനിമ ഫെസ്റ്റിവല് ഉദ്ഘാടനം ചെയ്യും. ചലച്ചിത്ര അക്കാദമിയുടെ സഞ്ചരിക്കുന്ന സിനിമ പ്രദര്ശനത്തിന്റെ ഉദ്ഘാടനവും ചടങ്ങില് നടക്കും.
തുടര്ന്നുള്ള ദിവസങ്ങളില് ഔദ്യോഗിക ഭാഷാവാരാഘോഷത്തിന്റെ ഭാഗമായുള്ള വിവിധ പരിപാടികളും നടക്കും. നവംബര് 3 ന് രാവിലെ 11 മണിക്ക് കണ്ണൂര് എസഎന് കോളേജില് മാതൃഭാഷ സെമിനാര് സംഘടിപ്പിച്ചിട്ടുണ്ട്. മലയാളം സര്വ്വകലാശാല റജിസ്ട്രാര് ഡോ. കെ.എം.ഭരതന് പ്രഭാഷണം നടത്തും. എസ്എന് കോളേജ് മലയാള വിഭാഗവുമായി ചേര്ന്നാണ് പരിപാടി സംഘടിപ്പിക്കുന്നത്.
പ്രതികരിക്കാൻ ഇവിടെ എഴുതുക: