ഓണ്‍ലൈന്‍ സംവിധാനം സംയുക്ത യൂണിയനുകള്‍ മാര്‍ച്ചും ധര്‍ണയും നടത്തി

Monday 30 October 2017 9:09 pm IST

ആലപ്പുഴ: നഗരസഭയുടെ പരിധിയില്‍ ഓട്ടോടാക്‌സികളെ ഉള്‍പ്പെടുത്തി ഓണ്‍ലൈന്‍ സംവിധാനം രൂപപ്പെടുത്താന്‍ സ്വകാര്യ ഏജന്‍സിയെ ചുമതലപ്പെടുത്തിയ നഗരസഭാ ചെയര്‍മാന്റെ തീരുമാനത്തിനെതിരെ ബിഎംഎസ് സിഐടിയു, ഐഎന്‍ടിയുസി നേതൃത്വത്തിലുള്ള മോട്ടോര്‍ യൂണിയനുകളുടെ നേതൃത്വത്തില്‍ ഓണ്‍ലൈന്‍ ടാക്‌സി ഓഫീസിലേക്ക് മാര്‍ച്ചും ധര്‍ണയും നടത്തി. ബിഎംഎസ് ജില്ലാ ഓട്ടോറിക്ഷാ മസ്ദൂര്‍ സംഘ് ജനറല്‍ സെക്രട്ടറി അനിയന്‍ സ്വാമിച്ചിറ അദ്ധ്യക്ഷനായി. ഓട്ടോറിക്ഷാ, ടാക്‌സി, ടെമ്പോ വര്‍ക്കേഴ്‌സ് യൂണിയന്‍ സിഐടിയു ആലപ്പുഴ ഏരിയാ സെക്രട്ടറി കെ.ജെ. ജയലാല്‍ ഉദ്ഘാടനം ചെയ്തു. തൊഴിലാളികളെ പട്ടിണിയിലാക്കുന്ന തീരുമാനത്തില്‍ നിന്നും നഗരസഭാ ചെയര്‍മാനും സ്വകാര്യ ഓണ്‍ലൈന്‍ ഏജന്‍സിയും പിന്മാറിയില്ലെങ്കില്‍ ശക്തമായി പ്രക്ഷോഭം മുന്നോട്ടു കൊണ്ടുപോകാനും യോഗം തീരുമാനിച്ചു. ആലപ്പുഴ മോട്ടോര്‍ യൂണിയന്‍ ഐഎന്‍ടിയുസി ജില്ലാ പ്രസിഡന്റ് സിറിയക് ജേക്കബ് സ്വാഗതവും ജില്ലാ ഓട്ടോറിക്ഷാ മസ്ദൂര്‍ സംഘ് (ബിഎംഎസ്) ജില്ലാ വൈസ് പ്രസിഡന്റ് സി. ഷാജി നന്ദിയും പറഞ്ഞു. ഓട്ടോ, ടെമ്പോ യൂണിയന്‍ സിഐടിയു ഏരിയാ പ്രസിഡന്റ് ടി.എ. നിസാര്‍, ബഷീര്‍, വിനയചന്ദ്രന്‍, അജേഷ്, ഡേവിഡ്, ബാബു എന്നിവര്‍ സംസാരിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.