കണ്ണൂര്: ഇന്ഫര്മേഷന് പബ്ലിക് റിലേഷന്സ് വകുപ്പും ജില്ലാ ഭരണകൂടവും കേരളപ്പിറവി ദിനവും ഔദ്യോഗിക ഭാഷാവാരാഘോഷവും വിപുലമായ പരിപാടികളോടെ സംഘടിപ്പിക്കും. കേരളപ്പിറവി ദിനമായ നവംബര് ഒന്നിന് പരിപാടിയുടെ ജില്ലാതല ഉദ്ഘാടനം കലക്ടറേറ്റ് കോണ്ഫറന്സ് ഹാളില് നടക്കും. ഗാന്ധിജയന്തി വാരാഘോഷത്തിന്റെ ഭാഗമായി ഇന്ഫര്മേഷന് പബ്ലിക് റിലേഷന്സ് വകുപ്പ് കോളേജ് വിദ്യാര്ഥികള്ക്കായി സംഘടിപ്പിച്ച ഡിബേറ്റ് മത്സരത്തില് വിജയികളായ സംഘങ്ങള്ക്ക് ചടങ്ങില് സമ്മാനങ്ങള് വിതരണം ചെയ്യും. തുടര്ന്ന് 11 മണി സിവില്സ്റ്റേഷനിലെ മുഴുവന് ജീവനക്കാരും മലയാളദിന പ്രതിജ്ഞയെടുക്കും.
ദേവസ്വം ലാന്റ് ട്രിബ്യൂണല് ഓഫീസ് വിഭജിച്ച് ഉത്തരവായി
കണ്ണൂര്: ജില്ലാ കലക്ടറേറ്റില് ദേവസ്വം പട്ടയങ്ങള് കൈകാര്യം ചെയ്തിരുന്ന ദേവസ്വം ലാന്റ് ട്രിബ്യൂണല് ഓഫീസ് വിഭജിച്ച് സര്ക്കാര് ഉത്തരവായി. ദേവസ്വം കേസുകളുടെ ബാഹുല്യവും ക്രയസര്ട്ടിഫിക്കറ്റുകള് അനുവദിക്കുന്നതിനുളള കാലതാമസവും പരിഗണിച്ചാണ് നടപടി. തളിപ്പറമ്പ് താലൂക്ക്-ഡെപ്യൂട്ടി കലക്ടര് (ആര് ആര്), കണ്ണൂര് താലൂക്ക്-ഡെപ്യൂട്ടി കലക്ടര് (എല്ആര്), ഇരിട്ടി, തലശ്ശേരി താലൂക്ക്- ഡെപ്യൂട്ടി കലക്ടര് (ഡിഎം) എന്നിങ്ങനെയാണ് കേസുകളുടെ നടത്തിപ്പും ക്രയസര്ട്ടിഫിക്കറ്റ്, പകര്പ്പുകള് തുടങ്ങിയവ അനുവദിക്കുന്നതിനായി ലാന്റ് ബോര്ഡ് വിഭജിച്ചത്.
പ്രതികരിക്കാൻ ഇവിടെ എഴുതുക: