ഇരിട്ടി: ഇരിട്ടി നഗരസഭയില് സമഗ്ര മാലിന്യസംസ്കരണം ലക്ഷ്യമിട്ട് നടപ്പിലാക്കുന്ന പ്ലാസ്റ്റിക്കില് നിന്നും പച്ചപ്പിലേക്ക് പദ്ധതിയുടെ ഉദ്ഘാടനവും ഹരിതസേന രൂപീകരണവും നവംബര് ഒന്നിന് 2 മണിക്ക് ഫാല്ക്കണ് പ്ലാസ ഓഡിറ്റോറിയത്തില് നടക്കുമെന്ന് നഗരസഭാ ചെയര്മാന് പി.പി.അശോകന് പത്രസമ്മേളനത്തില് അറിയിച്ചു.
സണ്ണി ജോസഫ് എംഎല്എ പരിപാടി ഉദ്ഘാടനം ചെയ്യും. നഗരസഭാ ഹെല്ത്ത് ഇന്സ്പെക്ടര് ഉസ്മാന് ചാലിയോടാണ് പദ്ധതി വിശദീകരിക്കും. പദ്ധതിയുടെ ഭാഗമായി വീടുകളില് നിന്നും വ്യാപാരസ്ഥാപനങ്ങളില് നിന്നും പ്ലാസ്റ്റിക് മാലിന്യം ശേഖരിക്കുന്നതിന് ഹരിതസേന എന്ന പേരില് പ്രത്യേക യൂണിഫോമും തിരിച്ചറിയല് കാര്ഡും നല്കി നാല്പതംഗ വളണ്ടിയര് സേന രൂപീകരിക്കും. ശേഖരിക്കുന്ന മാലിന്യങ്ങള് ഗ്രെഡ് അനുസരിച്ചു തരം തിരിച്ച് മാലിന്യ സംസ്കരണ യൂണിറ്റില് എത്തിച്ച് പിടിച്ചെടുത്ത ശേഷം റോഡ് റീ ടാറിങ്ങിനും റീ സൈക്ലിങിനും ഉപയോഗിക്കും. വളണ്ടിയര്മാര്ക്കുള്ള പരിശീലനത്തിന് ശേഷം ഡിസംബര് ഒന്ന് മുതല് മാലിന്യ ശേഖരണം തുടങ്ങും. പദ്ധതിയുടെ പ്രവര്ത്തനത്തിനും അത്തിത്തട്ടില് മാലിന്യ സംസ്കരണ കേന്ദ്രത്തിന് ചുറ്റുമതില് സ്ഥാപിക്കുന്നതിനായി 33 ലക്ഷം രൂപ നീക്കിവെച്ചതായും ചെയര്മാന് അറിയിച്ചു. പത്രസമ്മേളനത്തില് നഗരസഭാ ഉപാദ്ധ്യക്ഷ കെ.സരസ്വതി, പി.പി.ഉസ്മാന്, ഹെല്ത്ത് ഇന്സ്പെക്ടര് പി.ശ്രീജിത്ത് എന്നിവരും പങ്കെടുത്തു.
പ്രതികരിക്കാൻ ഇവിടെ എഴുതുക: