എടത്വാ: കരനെല്കൃഷി പരീക്ഷണത്തിന് തുടക്കമിട്ട് നൂറ് മേനി വിളയിച്ച വിദ്യാര്ത്ഥികള് ഞവരകൃഷി വിളവെടുപ്പ് നടത്തി. തലവടി ഗവ. വൊക്കേഷണല് ഹയര് സെക്കന്ററി സ്കൂളിന്റേയും എന്എസ്എസ് യൂണിറ്റിന്റേയും നേതൃത്വത്തിലാണ് ഞവരകൃഷി ആരംഭിച്ചത്.
സ്കൂള് പരിസരത്തെ അരയേക്കറോളം സ്ഥലത്താണ് ഞവരകൃഷി ഇറക്കിയത്. ജൈവ വളങ്ങളാണ് കൃഷിക്ക് ഉപയോഗിച്ചിരുന്നത്. ഞവരകൃഷി കൂടാതെ ജൈവ പച്ചക്കറിയും വിവിധയിനം ചെടികളും സ്കൂള് പരിസരത്ത് വിദ്യാര്ത്ഥികള് നട്ടുവളര്ത്തുന്നുണ്ട്.
വിളവെടുപ്പ് ഉദ്ഘാടനം ജില്ലാ പഞ്ചായത്ത് പ്രസിഡന്റ് ജി. വേണുഗോപാല് നിര്വ്വഹിച്ചു. ജില്ലാ പഞ്ചായത്ത് അംഗം ബിനു ഐസക്രാജു, തലവടി കൃഷി ഓഫീസര് ജയശ്രീ, വാര്ഡ് മെമ്പര് അജിത്ത് കുമാര് പിഷാരത്ത്, സ്കൂള് പ്രിന്സിപ്പാള്മാരായ സുജ പി.ആര്, മറിയാമ്മ പോള്, പ്രധാന അധ്യാപിക ഇ. മിനി, അധ്യാപകരായ പൂജ ചന്ദ്രന്, ബിനോയ് തോമസ്, വിനായകന്, പിറ്റിഎ പ്രസിഡന്റ് റ്റി. സുരേഷ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: