കണ്ണൂര്: ഏച്ചൂര്-മൗവഞ്ചേരി റോഡ് മെക്കാഡം ടാറിംഗ് നടത്തി ദേശീയപാത നിലവാരത്തിലേക്കുയര്ത്തുന്ന പദ്ധതിയുടെ ഉദ്ഘാടനം മന്ത്രി രാമചന്ദ്രന് കടന്നപ്പള്ളി നിര്വഹിച്ചു. അടുത്തവര്ഷം വിമാനത്താവളം പ്രവര്ത്തനക്ഷമമാവുമ്പോഴേക്കും ജില്ലയിലെ റോഡുകള് വികസിക്കേണ്ടതുണ്ടെന്ന് അദ്ദേഹം പറഞ്ഞു. ഇതിനു വേണ്ടിയുള്ള സത്വര നടപടികള് ആംരഭിച്ചുകഴിഞ്ഞു. റോഡ് വികസനത്തിന് ആവശ്യമായ ഭൂമിയുടെ ലഭ്യത ഉറപ്പുവരുത്തുന്നതില് നാട്ടുകാരുടെ സഹകരണം അനിവാര്യമാണ്. ജനങ്ങള്ക്ക് ബുദ്ധിമുട്ടുകളുണ്ടാവുന്നത് പരമാവധി ഒ്ഴിവാക്കിയാണ് സര്ക്കാര് വികസന പ്രവര്ത്തനങ്ങളുമായി മുന്നോട്ടുപോവുന്നത്. ഒഴിച്ചുകൂടാനാവാത്ത സന്ദര്ഭങ്ങളില് പൊതുനന്മയ്ക്കായി അല്പം പ്രയാസങ്ങള് സഹിക്കാന് ജനങ്ങള് മനസ്സുകാണിക്കണമെന്നും മന്ത്രി അഭിപ്രായപ്പെട്ടു.
2.04 കിലോമീറ്റര് നീളത്തിലുള്ള റോഡ് വീതികൂട്ടി ഉയര്ത്തിയും ആവശ്യമായ സ്ഥലങ്ങളില് കവര്ട്ടുകള് നിര്മിച്ചും മെക്കാഡം ടാര് ചെയ്യുന്നതിന് 1.9 കോടി രൂപയാണ് എംഎല്എയുടെ ആസ്തിവികസന ഫണ്ടില് നിന്ന് വകയിരുത്തിയിരിക്കുന്നത്. ഏച്ചൂര് ടൗണില് നടന്ന ചടങ്ങില് മുണ്ടേരി ഗ്രാമപഞ്ചായത്ത് പ്രസിഡന്റ് എ.പങ്കജാക്ഷന് അധ്യക്ഷനായി. മേയര് ഇ.പി.ലത മുഖ്യ പ്രഭാഷണം നടത്തി.
എടക്കാട് ബ്ലോക്ക് പഞ്ചായത്ത് പ്രസിഡന്റ് എം.സി.മോഹനന്, പഞ്ചായത്ത് വൈസ് പ്രസിഡന്റ് പ്രമീള, കൗണ്സിലര് കെ.പി.സജിത്ത്, ജില്ലാപഞ്ചായത്ത് അംഗം കെ.മഹിജ, പഞ്ചായത്ത് അംഗങ്ങള്, ജനപ്രതിനിധികള്, പാര്ട്ടി നേതാക്കള് തുടങ്ങിയവര് സംബന്ധിച്ചു. പിഡബ്ല്യുഡി എക്സിക്യൂട്ടീവ് എഞ്ചിനീയര് ജിഷാകുമാരി റിപ്പോര്ട്ട് അവതരിപ്പിച്ചു. സൂപ്രണ്ടിംഗ് എഞ്ചിനീയര് പി.കെ.മിനി സ്വാഗതവും അസിസ്റ്റന്റ് എക്സിക്യൂട്ടീവ് എഞ്ചിനീയര് കെ.വി.ശശി നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: