കൊച്ചി: ജന്മഭൂമിയും സയന്സ് ഇന്ത്യ മാഗസിനും സംയുക്തമായി വിദ്യാര്ഥികള്ക്കായി ‘സ്റ്റുഡന്സ് സയന്സ് ഫെസ്റ്റിവല് ഓഫ് കേരള – എസ്എസ്എഫ്കെ -2017’ എന്ന പേരില് ശാസ്ത്രോത്സവം നടത്തുന്നു.
എറണാകുളം, ആലപ്പുഴ ജില്ലകളിലെ മത്സരങ്ങള് രണ്ട്, മൂന്ന് തീയതികളിലായി എറണാകുളം കളമശ്ശേരിയിലെ രാജഗിരി പബ്ലിക്ക് സ്കൂളില് നടത്തും. എട്ട് മുതല് പ്ലസ്ടു വരെയുള്ള സ്കൂള് വിദ്യാര്ഥികള്ക്കും, സയന്സ് ബിരുദധാരികള്ക്കും പങ്കെടുക്കാം. രാജ്യത്തെ ഏറ്റവും വലിയ ശാസ്ത്ര പ്രസ്ഥാനമായ വിജ്ഞാന ഭാരതിയുടെ സംരംഭമാണ് സയന്സ് ഇന്ത്യ. കേരളത്തില് ഇതാദ്യമായാണ് ഐസിഎസ്ഇ, ഐഎസ്സി, സിബിഎസ്ഇ, സ്റ്റേറ്റ് സിലബസ് വിദ്യാര്ഥികളെ ഒരേ കുടക്കീഴില് അണിനിരത്തി ശാസ്ത്രോത്സവം സംഘടിപ്പിക്കുന്നത്.
മേഖല തലത്തില് നിന്ന് വിജയിക്കുന്ന ആദ്യ മൂന്ന് സ്ഥാനക്കാര്ക്ക് സംസ്ഥാന തല മത്സരത്തില് പങ്കെടുക്കാം. പ്രൊജക്റ്റും, തീമും അടിസ്ഥാനമാക്കി പ്രത്യേക മത്സരങ്ങളുണ്ട്. മേഖല തലത്തില് 25,000 രൂപയും, സംസ്ഥാന തലത്തില് 35,000 രൂപയുമാണ് വിജയികള്ക്ക് ലഭിക്കുന്നത്.
പങ്കെടുക്കുന്ന എല്ലാ വിദ്യാര്ഥികള്ക്കും സര്ട്ടിഫിക്കറ്റുകള് നല്കും. ശാസ്ത്രജ്ഞരുമായുള്ള സംവാദത്തിന് പുറമേ വിജയികള്ക്ക് പങ്കെടുത്ത മേഖലയുമായി ബന്ധപ്പെട്ട് രാജ്യത്തെ പ്രമുഖ ഗവേഷണ സ്ഥാപനങ്ങളിലേക്ക് സയന്സ് ടൂറിനുള്ള അവസരമുണ്ട്. ഊര്ജ്ജം, ജലം, പ്രകൃതി സംരക്ഷണം, ഐടി, ആരോഗ്യം, കാര്ഷികം എന്നീ മേഖലയുമായി ബന്ധപ്പെട്ടാണ് പ്രൊജക്റ്റുകള് അവതരിപ്പിക്കേണ്ടത്.
രാജഗിരി സ്കൂള് അങ്കണത്തില് 2ന് രാവിലെ 9.30ന് കേന്ദ്ര പി. എഫ്. കമ്മീഷണര് ഡോ. വി. പി. ജോയി ഉദ്ഘാടനം ചെയ്യും. സെന്ട്രല് ഇന്സ്റ്റിറ്റ്യൂട്ട് ഓഫ് ഫിഷറീസ് ടെക്നോളജി ചീഫ് ടെക്നിക്കല് ഓഫീസര് ഡോ. എ. ആര്. എസ്. മേനോന് അധ്യക്ഷത വഹിക്കും. രാജഗിരി പബ്ലിക്ക് സ്കൂള് മാനേജര് ഫാ ഡോ. ജോസ് കുറിയേടത്ത്, ജന്മഭൂമി ജനറല് മാനേജര് കെ. ബി. ശ്രീകുമാര്, എഡിറ്റര് ടി. അരുണ്കുമാര്, എസ്എസ്എഫ്കെ ജനറല് കണ്വീനര് വിപിന് കൂടിയേടത്ത് എന്നിവര് ആശംസ അര്പ്പിക്കും. രാജഗിരി പബ്ലിക്ക് സ്കൂള് പ്രിന്സിപ്പല് ഫാ. വര്ഗീസ് കൊച്ചാപ്പിള്ളി സ്വാഗതവും, രാജീവ് നാരായണന് നന്ദിയും പറയും.
മൂന്നിന് രാവിലെ 9.30ന് ശാസ്ത്രജ്ഞരുമായി സംവാദം നടത്തും. ഐഎസ്ആര്ഒ റിട്ട. സയന്റിസ്റ്റ് ഡോ. രാമചന്ദ്രന്, സെന്ട്രല് ഇന്സ്റ്റിറ്റ്യൂട്ട് ഓഫ് ഫിഷറീസ് ടെക്നോളജി ചീഫ് എന്ജിനീയര് ഡോ. മനോജ് ശാമുവല്, ഡിഡിജിയിലെ ഡോ. ഗോപകുമാര്, ട്രോപ്പിക്കല് ബൊട്ടാണിക് ഗാര്ഡന് ആന്റ് റിസര്ച്ച് ഇന്സ്റ്റിറ്റ്യൂട്ടിലെ ഡോ. മോഹനന്, കുസാറ്റ് മാത്തമാറ്റിക്സ് വിഭാഗത്തിലെ ഡോ. വിജയകുമാര് എന്നിവര് പങ്കെടുക്കും. റിട്ട. ഡിഎഫ്ഒ ഡോ. ഇന്ദുചൂഡന് ആമുഖ പ്രഭാഷണവും, സീക്കോ ഇന്ത്യയിലെ ഷനോജ് പി. ബി. സ്വാഗതവും പറയും.
ഉച്ചയ്ക്ക് മൂന്നിന് നടത്തുന്ന സമാപന സമ്മേളനത്തില് കുഫോസ് വിസി പ്രൊഫ ഡോ. എ. രാമചന്ദ്രന് മുഖ്യാതിഥിയാകും. സ്വദേശി സയന്സ് മൂവ്മെന്റ് ജോയിന്റ് സെക്രട്ടറി ഡോ. ജയപ്രകാശ് അധ്യക്ഷത വഹിക്കും. ജന്മഭൂമി കൊച്ചി യൂണിറ്റ് മാനേജര് കെ. കെ. നവീന് സ്വാഗതം പറയും. ജന്മഭൂമി ദേശീയ കോഓര്ഡിനേറ്റര് അശോക് കുറുപ്പ് ആശംസയും, വിജ്ഞാന് ഭാരതി സൗത്ത് സോണ് ഓര്ഗനൈസിങ് സെക്രട്ടറി വിവേക് പൈ സമാപന സന്ദേശവും പറയും. ചടങ്ങില് സമ്മാനദാനം നടത്തും.
പ്രതികരിക്കാൻ ഇവിടെ എഴുതുക: