മയ്യില്: ദുരിതക്കയത്തില്പ്പെട്ട് നരകജീവിതം നയിച്ച ജാനകിക്ക് തുണയായി ജനമൈത്രി പോലീസ് രംഗത്തെത്തി. മലപ്പട്ടം പൂക്കണ്ടത്തെ ഈറ്റശ്ശേരി കുറ്റിയാട്ട് വീട്ടില് ഇ.കെ.ജാനകിയെയാണ് ജനമൈത്രി പോലീസും പാലിയേറ്റീവ് പ്രവര്ത്തകരും ചേര്ന്ന് പുനരധിവാസത്തിന് സംവിധാനമൊരുക്കിയത്. സ്വന്തക്കാരോ ബന്ധുക്കളോ നോക്കാനില്ലാതെ ഏതുനിമിഷവും നിലംപൊത്താവുന്ന വീട്ടില് ഉണ്ണാനോ ഉടുക്കാനോ ഇല്ലാതെ കഷ്ടപ്പെടുകയായിരുന്ന ജാനകിയെ ജനമൈത്രി പോലീസ് ഇടപെട്ട് മേലേചൊവ്വ അമലഭവനില് പ്രവേശിപ്പിച്ചിരിക്കുകയാണ്. മനോനില തകരാറിലായ ഇവര് കാലങ്ങളായി ഒറ്റക്ക് താമസിച്ചുവരികയായിരുന്നു. മയ്യില് പോലീസ് എസ്ഐ ടി.പി.മുരളീധരന്, എഎസ്ഐ വിനോദ്കുമാര്, സിപിഒമാരായ കെ.രാജേഷ്, കെ.വിദ്യ, സി.പി.രതീഷ് എന്നിവരും പാലിയേറ്റീവ് പ്രവര്ത്തകരും നാട്ടുകാരും ഈ പുണ്യകര്മ്മത്തില് പങ്കാളികളായി.
പ്രതികരിക്കാൻ ഇവിടെ എഴുതുക: