കൊച്ചി: റിയല് എസ്റ്റേറ്റ് ബ്രോക്കര് രാജീവിനെ ചാലക്കുടിയില് കൊലപ്പെടുത്തിയ കേസില് പ്രമുഖ അഭിഭാഷകന് സി.പി. ഉദയഭാനു അറസ്റ്റില്. കീഴടങ്ങാന് സന്നദ്ധത അറിയിച്ചപ്പോഴായിരുന്നു നടപടി. തൃപ്പൂണിത്തുറയിലെ സഹോദരന്റെ വീട്ടില് നിന്നാണ് അറസ്റ്റ് ചെയ്തത്.
ഉദയഭാനുവിന്റെ മുന്കൂര് ജാമ്യാപേക്ഷ ഹൈക്കോടതി കഴിഞ്ഞ ദിവസം തള്ളിയിരുന്നു. ഉദയഭാനുവിനെതിരെ തെളിവുണ്ടെന്നും ജാമ്യം നല്കരുതെന്നുമായിരുന്നു പ്രോസിക്യൂഷന് നിലപാട്. 12 പേജുള്ള റിപ്പോര്ട്ടും അന്വേഷണ സംഘം കോടതിയില് ഹാജരാക്കിയിരുന്നു. രാജീവ് കൊല്ലപ്പെട്ട ദിവസം ഉച്ചയ്ക്ക് ശേഷം ഉദയഭാനുവും പ്രതികളായ ജോണിയും രഞ്ജിത്തും ആലപ്പുഴയില് ഒരേ ടവര് ലൊക്കേഷന് കീഴില് ഉണ്ടായിരുന്നെന്നും പ്രോസിക്യൂഷന് കോടതിയെ അറിയിച്ചിരുന്നു. ഫോണ് രേഖകളും ഹാജരാക്കി.
ഗൂഢാലോചനയില് ഉദയഭാനുവിന് പങ്കുണ്ടെന്നും ചോദ്യം ചെയ്യണമെന്നുമാണ് പ്രോസിക്യൂഷന്റെ നിലപാട്. അഭിഭാഷകന് എന്ന നിലയിലാണ് പ്രതികളുമായി സംസാരിച്ചതെന്നാണ് ഉദയഭാനുവിന്റെ അഭിഭാഷകന് കോടതിയില് വാദിച്ചത്.
പ്രതികരിക്കാൻ ഇവിടെ എഴുതുക: