പൂനെ: കേരളത്തില് മരണം വിതച്ചത് പുതിയ ഡെങ്കി വൈറസെന്നു കണ്ടെത്തല്. 2005ല് സിംഗപ്പൂരിലും 2009ല് ശ്രീലങ്കയിലും താണ്ഡവമാടിയ ഏഷ്യന് ജെനോടൈപ്പ് എന്ന വൈറസാണ് കേരളത്തിലും 2012ല് തമിഴ്നാട്ടിലും പടര്ന്നു പിടിച്ചതെന്ന് പൂനെ നാഷണല് ഇന്സ്റ്റിറ്റ്യൂട്ട് ഒാഫ് വൈറോളജി കണ്ടെത്തി.
‘തെക്കേ ഇന്ത്യയിലെ ഏഷ്യന് ജെനോടൈപ്പ് ഡെന്വ് ഒന്ന്’ എന്ന ഗവേഷണ പ്രബന്ധത്തിലാണ് ഇന്ത്യയില് പുതിയ ഡെങ്കിപ്പനി കടന്നുവന്ന കാര്യം വെളിപ്പെടുത്തുന്നത്. നാലുതരം ഡെങ്കി വൈറസുകളെയാണ് ഇന്ത്യയില് കണ്ടെത്തിയത്. ഡെന്വ് ഒന്ന്, രണ്ട്, മൂന്ന്, നാല് എന്നിവ. ഇതില് ഡെന്വ് ഒന്നിനെ കേരളത്തിലെയും തമിഴ്നാട്ടിലെയും രോഗികളിലാണ് കണ്ടെത്തിയത്. ഇതേ വൈറസുകള് ഇന്ത്യയില് മറ്റെവിടെയെങ്കിലും ഉണ്ടോയെന്ന് കണ്ടെത്താനുള്ള ശ്രമത്തിലാണ് ഗവേഷകര്.
മുന്പ് ഈ വൈറസിനെ ഇന്ത്യയില് കണ്ടിരുന്നില്ല, നാഷണല് ഇന്സ്റ്റിറ്റ്യൂട്ട് ഓഫ് വൈറോളജി ഡയറക്ടര് ദേവേന്ദ്ര മൗര്യ പറഞ്ഞു. നിലവില് കേരളത്തിലും തമിഴ്നാട്ടിലും മാത്രമാണുള്ളത്.
മാരകം ഈ ഡെങ്കി
കൊതുക് പരത്തുന്ന മാരകമായ പനികളില് പ്രധാനപ്പെട്ടതാണ് ഡെങ്കി. കടുത്ത പനിയും തലവേദനയുമാണ് ലക്ഷണം. രക്തത്തിലെ പ്ലേറ്റ്ലറ്റ് അതിവേഗം കുറയും.
പ്രതികരിക്കാൻ ഇവിടെ എഴുതുക: