ചെറുപുഴ: മലയോര ഹൈവേയുടെ ഭാഗമായുള്ള മഞ്ഞക്കാട് മുതല് ചെറുപുഴ വരെയുള്ള ഭാഗത്തെ മെക്കാഡം ടാറിംഗ് ആരംഭിച്ചു. റോഡിന്റെ ലെവലിംഗ് കഴിഞ്ഞ ഭാഗത്താണ് ടാറിംഗ് ആരംഭിച്ചിട്ടുള്ളത്. ചെറുപുഴ ഭാഗത്ത് ലെവലിംഗ് അവസാന ഘട്ടത്തിലാണ്. ചെറുപുഴ മേഖലയിലെ ജനങ്ങളുടെ ഒരു നല്ല റോഡിനായുള്ള കാത്തിരിപ്പിന് ഉടന് വിരാമമാകുമെന്നാണ് കരുതുന്നത്. ടാറിംഗ് പ്രവൃത്തി വേഗത്തിലാണ് പുരോഗമിക്കുന്നത്. കണ്ണൂര് ജില്ലയില് മലയോര ഹൈവേയുടെ നിര്മ്മാണം പല ഭാഗങ്ങളിലായി പൂര്ത്തീകരിച്ചു കഴിഞ്ഞു. കാസര്ഗോഡ് ജില്ലയില് 126 കിലോമീറ്ററാണ് മലയോര ഹൈവേ. ഇതിന്റെ നിര്മ്മാണത്തിനായുള്ള നടപടികള് പുരോഗമിക്കുകയാണ്. ചെറുപുഴ വരെയുള്ള ടാറിംഗ് പൂര്ത്തിയാക്കിയാല് പിന്നീട് ചെറുപുഴ ടൗണിലെ പണികള് ആരംഭിക്കും. മലയോര ഹൈവേയുടെ പണികള് പുരോഗമിക്കുമ്പോള് പയന്നൂര് ചെറുപുഴ റോഡിന്റെ നിര്മ്മാണം ഇഴഞ്ഞു നീങ്ങുന്നതില് ജനങ്ങള് നിരാശരാണ്.
പ്രതികരിക്കാൻ ഇവിടെ എഴുതുക: