പുനലൂര്: സ്കൂള്വിദ്യാത്ഥിനിയെ കടന്നുപിടിക്കാന് ശ്രമിച്ച യുവാവിനെ പുനലൂര് പോലീസ് അറസ്റ്റ് ചെയ്തു. പുനലൂര് മുസാവരികുന്ന് സ്വദേശി ജോബിന്(33)ആണ് അറസ്റ്റിലായത്. പുനലൂര് മാര്ക്കറ്റിലെ മത്സ്യക്കച്ചവടക്കാരനാണ് ജോബിന്. പട്ടണത്തിലെ പ്രമുഖ സ്കൂളിലെ വിദ്യാര്ത്ഥിനിക്കു നേരെയാണ് ശല്യമുണ്ടായത്. കഴിഞ്ഞ ദിവസം ഉച്ചക്ക് സ്കൂളില് നിന്ന് കൂട്ടുകാര്ക്കൊപ്പം നടന്നു പോകുകയായിരുന്ന വിദ്യാര്ത്ഥിനിയെ റോഡ് സൈഡില് നിര്ത്തിയിട്ടിരുന്ന ഓട്ടോറിക്ഷയില് ഇരുന്ന യുവാവ് ഉപദ്രവിക്കുകയായിരുന്നു. പെണ്കുട്ടി ഓട്ടോറിക്ഷയുടെ നമ്പര് സ്കൂള് അധികൃതരെ അറിയിച്ചു. തുടര്ന്ന് പോലിസിന് പരാതി നല്കി. പോലീസ് ഓട്ടോറിക്ഷ കണ്ടെത്തി കസ്റ്റഡിയിലെടുത്തു. പിന്നീടാണ് യാത്രക്കാരനായ ജോബിനെ അറസ്റ്റ് ചെയ്തത്. പ്രതിക്കെതിരെ പോക്സോ നിയമപ്രകാരമാണ് കേസ്.
പ്രതികരിക്കാൻ ഇവിടെ എഴുതുക: