നെയ്യാറ്റിന്കര: കേരളം നമ്പര് വണ് എന്ന് പറയുന്ന മുഖ്യമന്ത്രി ഏത് കാര്യത്തിലാണ് നമ്പര് വണ് എന്ന് സ്വയം ആത്മപരിശോധന നടത്തണമെന്ന് ബിജെപി സംസ്ഥാന ജനറല്സെക്രട്ടറി എം.ടി. രമേശ്. നെയ്യാറ്റിന്കര നഗരസഭയ്ക്ക് മുന്നില് ബിജെപി നെയ്യാറ്റിന്കര മുന്സിപ്പല് കമ്മിറ്റി നടത്തിയ ധര്ണ ഉദ്ഘാടനം ചെയ്യുകയായിരുന്നു അദ്ദേഹം.
കേന്ദ്രപദ്ധതികളുടെ നടത്തിപ്പുകാരാണ് സംസ്ഥാന സര്ക്കാര്. ബിജെപിയെ വികസന ചര്ച്ചയ്ക്ക് വിളിക്കുന്നതിന് മുമ്പ് മുഖ്യമന്ത്രി പിണറായി വിജയനും ധനകാര്യമന്ത്രി തോമസ്ഐസക്കും നരേന്ദ്രമോദി സര്ക്കാര് മൂന്ന് കൊല്ലം കേരളത്തിലെ വികസനങ്ങള്ക്ക് നല്കിയ ആയിരക്കണക്കിന് കോടികള് എന്തിന് ചെലവാക്കിയെന്ന് വ്യക്തമാക്കണം. വികസനത്തിന് ലഭിച്ച തുക എങ്ങനെ ചെലവഴിച്ചു, എത്ര ലാപ്സായി എന്ന കൃത്യമായ കണക്കുകള് രേഖാമൂലം കാണിച്ച് തുറന്ന സംവാദത്തിനു തയ്യാറാകണം. അദ്ദേഹം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: